Bangkay ng lola, natagpuan sa highway

@Balitang Probinsiya | September 26, 2020

AGUSAN DEL NORTE—Isang hindi kilalang lola natagpuang patay kamakalawa sa national highway ng Las Nieves.

Sa ngayon ay kinikilala pa ang biktima na tinatayang nasa pagitan ng 65-70 ang edad.

Ayon sa ulat, ilang residente ang nakatagpo sa bangkay ng biktima sa gitna ng kalsada.

Kaagad ini-report ng mga saksi sa pulisya ang pagkakatagpo sa bangkay ng lola at sa imbestigasyon ng mga awtoridad ay posible umanong nasagsaan o nahulog sa sasakyan ang biktima.

Patuloy ang imbestigasyon ng mga awtoridad para makilala at madakip ang naka-aksidente sa biktima.