BULGAR
Oct 1, 2020
ni Ronalyn Seminiano Reonico | October 1, 2020
Positibo sa COVID-19 ang 92 police trainees at training officers, ayon sa Baguio City police.
Ayon kay Baguio Police Chief Col. Allen Rae Co, ang mga police trainees na nagpositibo sa coronavirus ay ipinadala sa Baguio noong March para sa anim na buwang on-the-job training.
Aniya, “As of yesterday, there are already 92. Isa pong nakakalungkot ay ito ‘yung mga kasama natin mismo noong pagsisimula ng pandemya.”
Saad pa ni Co, “Combination na ito ng police trainees at field training officers. Itong training officers natin, ito ‘yung mga senior natin na mga sergeants na sila ang naggagabay at nagtuturo sa mga bagong pulis.”
Maaari umanong nakuha ng mga naturang personnel ang COVID-19 sa mga lockdown areas sa Baguio.
Pahayag din ni Co, “Pa-graduate na sila supposedly kahapon o ngayon. Most probably nakuha po nila sa pagdyu-duty po sa lockdown areas... Sa dami po nila, medyo ‘di maiwasan na sila ay nagkakabanggaan."
Naka-quarantine na rin umano ang 200 trainess na nagkaroon ng close contact sa mga
nagpositibo sa Covid-19, ayon sa Philippine Information Agency.