44 patay, 150 sugatan sa stampede sa Israel

ni Ronalyn Seminiano Reonico | April 30, 2021

Patay ang 44 katao at 150 ang sugatan matapos mauwi sa stampede ang overcrowded na religious bonfire festival sa Israel ngayong Biyernes.

Ayon sa ulat, karamihan ng mga dumalo sa taunang pagdiriwang ng kapistahan ng Lag BaOmer sa Mount Meron ay ultra-Orthodox Jews at nang palabas na ang mga tao sa makitid na tunnel-like passage, dahil sa madulas na hagdan, nalaglag ang ilan sa mga ito na naging sanhi ng stampede.

Ayon sa opisyal ng national emergency service na Magen David Adom (MDA), kaagad nagpadala ng mga helicopter upang ma-rescue ang mga sugatan sa insidente.

Tinatayang aabot sa 100,000 ang dumalo sa festival.

Samantala, ang Mount Meron ay isa sa mga itinuturing na holiest sites at ang naturang religious activity ay isa sa mga largest gatherings na naganap sa Israel mula nang magkaroon ng COVID-19 pandemic.