4 miyembro ng NPA, nasakote

@Balitang Probinsiya | July 15, 2020

NEGROS OCCIDENTAL—Apat na miyembro ng New People's Army (NPA) ang naaresto ng tropa ng pamahalaan kamakalawa sa bayan ng Kabankalan.

Ang mga rebelde ay kinilala lang ng mga awtoridad sa mga alyas na "Ka Samantha", "Ka Sid", "Ka Sam" at "Ka Paolo".

Nabatid na kinumpirma ng mga rebel returnee na kasamahan nilang NPA ang apat na naaresto.

Napag-alaman na nakakumpiska ang mga awtoridad ng mga baril, bala at subersibong dokumento sa pag-iingat ng mga rebelde.

Isinasailalim na sa taktikal na interogasyon ang mga nadakip para mahuli ang iba pa nilang kasamahang NPA sa lalawigan.