BULGAR
Mar 8, 2021
@Balitang Probinsiya | March 8, 2021
PANGASINAN—Dalawang notoryus na drug pushers ang napatay nang manlaban at makipagbarilan sa pulisya kamakalawa sa Bgy. Oraan East, Manaoag.
Ang suspek na nagtamo ng mga tama ng bala sa katawan ay kinilala ng pulisya na sina Renziel Sebilius, 32-anyos at Gervin Salvino, 30-anyos, kapwa residente ng nasabing lalawigan.
Ayon sa ulat, darakpin sana ng mga operatiba sa drug-bust operation sina Sebilius at Salvino, pero imbes na sumuko at biglang pinagbabaril ng mga suspek ang mga awtoridad.
Dahil dito, mabilis na gumanti ng putok ang mga operatiba dahilan kaya napatay ang mga suspek.
Nakarekober ang pulisya ng dalawang baril, mga bala at pakete ng marijuana sa pinangyarihan ng insidente.