BULGAR
Mar 6, 2021
ni Ding Taboy - @Renda at Latigo | March 6, 2021
Nakatakdang umalagwa ang 14th MHP Racing Festival Cool Summer Invitional Races sa Metro Manila Turf Club,Inc. (MMTCI) sa Malvar,Batangas sa susunod na Linggo.
Magaganap ang MHP-Cool Summer Invitational Races, kasabay ng 4 Year Old and Above Local-Imported Horses na may papremyo na P1-milyon na hahatiin sa apat.
Hahatiin sa apat na magkakasunod na darating na kalahok na unang ay makatatanggap ng P600,000 habang ang pangalawa ay may P225,000. Ang pangatlo ay tatanggap ng P125,000 at tatanggap naman ng P50,000 ang darating na pang-apat na kabayo.
May nagpatala na sasali sa naturang karera ito ay pinangungunahan ng Magnificent Lady, Wish Afan Star, In the Zone, Princess Eowyn, Sailing Along, Boss Emong, Change the the Racer, Sky Candy, Troubadour,Tony’s Love,Obra Maestro, Super Sonic, Patong-Patong,Dragon Butterfly, American Factor at Joyous solution.
May premyo ang bawat karera sa mananalong kabayo higit na pagkakalooban ng premyo ang mga maliliit na manggagawa sa karera ito’y mula sa mga sota ng kabayo. Inaasahan na darating ang mga may ari ng kabayo na matutunghayan sa araw ng Linggo.