MISAMIS ORIENTAL — Dahil sa nararanasang gutom sa bundok, nagpasya ang mag-asawang miyembro ng New People’s Army (NPA) na sumuko sa pamahalaan kamakalawa sa bayan ng Claveria.
Ang mag-asawang sumukong NPA ay kinilala lang ng mga awtoridad sa mga alyas na Ka Dino at Ka Dina, kapwa kasapi ng NPA-North Central Mindanao Regional Committee.
Napag-alaman na isinuko rin ng mag-asawang NPA ang mga dala nilang armas, bala at subersibong dokumento sa 58th Infantry Battalion ng Philippine Army (PA).
Ayon sa mga sumukong NPA, nakakaranas na umano sila ng gutom sa bundok at nais na rin nilang magbagong-buhay kaya sumuko sila sa pamahalaan.
Isinasailalim na sa taktikal na interogasyon ang mag-asawang rebelde.