Muntik nang magsabay ang live tsikahan sa online ng Concert Queen na si Pops Fernandez at ni KC Concepcion ngayong Miyerkules, alas-siyete ng gabi.
This time, si KC ang featured celebrity sa Online Together: Ang Digital Fan Meet ng Bayan ng Cornerstone TV.
"Hey loves! This is dedicated to my supporters... my FAMS! Online Together tonight at 7PM! Yup, NEW TIMESLOT. See you at CSTV presents Online Together: Ang Digital Fan Meet ng Bayan tonight sa bago nitong oras," post ni KC sa Instagram account niya.
"Fams" ang tawag ni KC sa kanyang mga supporters.
Habang ang pa-live tsikahan naman ni Pops sa YouTube at Facebook accounts niya ay slated din at 7 PM.
But in her very recent post, na-move na ang oras ng live event ni Pops at 8 PM.
Duda ng ilan, may kinalaman ang special guest celebrity ni Pops sa kanyang live event sa social media na walang iba kundi si Megastar Sharon Cuneta na ina ni KC.
Kesa nga naman mahati ang viewers nina Pops at KC during live, eh, much better na may mag-give way sa oras.
And the winner is… KC Concepcion!
This is much better para pareho silang panoorin ng mga netizens. After nilang makipagtsikahan kay KC online, diretso naman kina Pops at Mega. For sure, everybody happy, devah?
At kung si Megastar ang "panghakot" ng viewers ni Pops on her YouTube/Facebook live, may ibang gimik naman si KC.
May pakontes siya at ang premyo ay ang ilan sa kanyang personal bag collection.
Ipinost ni KC ang piktyur ng ilan sa mga personal collections niya na ipapamigay niya sa mga mapipiling winners.
"Oh, we didn’t tell you? For lucky commenters who’ll win at our trivia contests, I’m giving out these precious pre-loved purses from my personal bag collection... a.k.a. prizes from KC’S CLOSET! Woooot! See u on FB LIVE, Cornerstone Entertainment page, for tonight’s Online Together Digital Fan-Meet, fams!" caption ni KC sa kanyang IG post ng mga bag.
Hmmmm.... alin kaya sa pa-live event nina KC at Pops ang makakakuha ng pinakamaraming views, likes and comments?
If we were to ask, para lalong bumongga ang viewers sa online show ni KC Concepcion, bakit hindi niya imbitahan ang kanyang ex-boyfriend na si Piolo Pascual as special guest?
Tutal naman, parehong Cornerstone artists sina Piolo at KC. 'Pag nangyari 'yan, sure kami na mega-super trending at viral sa social media ang paghaharap nilang muli after soooo many years.
Hindi pa naman sila pisikal na magkikita kaya parang "patikim" pa lang nila 'yan sa mga fans nila na matagal nang umaasa na magkakasama silang muli on screen.
And what about an online movie for Piolo and KC gaya ng ginawa nina John Lloyd Cruz at Bea Alonzo?
Kung Love Team ang title nu'ng kina Bea at John Lloyd, Ex naman ang swak para kina Piolo at KC.
Keri?