Kinumpirma ng Department of Foreign Affairs (DFA) na isang Filipina household service worker sa Lebanon ang nagpakamatay.
Base sa impormasyon, naganap ang insidente noong Mayo 23, 2020. Nasa pangangalaga ng Philippine Overseas Labor Office (POLO) ang Pinay nang ito ay magpakamatay sa pamamagitan ng pagtalon mula sa silid kung saan siya namamalagi.
Kaugnay nito, tiniyak ng embahada ang kaligtasan ng iba pang OFWs na nananatili sa shelter at bibigyan din sila ng counseling.
Siniguro naman ng pamahalaan na tutulungan ang pamilya ng OFW para sa mabilis na repatriation ng mga labi nito.
Sa ngayon ay umiiral ang lockdown sa Beirut at hindi pa naibabalik ang international commercial flights sa Lebanon.