Ilang mga volleyball superstars pa ang tumugon sa programa ng Every Little Thing Counts, isang fundraising drive na tumutulong sa mga healthcare frontliners para masuportahan sila laban sa COVID-19.
Tumugon sina UAAP stalwarts Kim Dy, Melissa Gohing, Kyle Negrito at Ish Polvorosa kung saan nagsimula na rin silang magbenta online ng kanilang mga jerseys tulad ng puting F2 Logistics ni Dy na isinuot noong 2016 PSL Grand Prix.
Nagpadala na rin ng 10 iba’t ibang jerseys si Jaja Santiago para sa auction, maging si Dzi Gervacio ng Ateneo Lady Eagles jersey at si Abby Marano.
Nag-auction na rin ang iba ng kani-kanilang team jersey tulad nina Grace Bombita, Chloe Cortez, Bang Pineda at Satrianni Espiritu upang ang mapagbebentahan ay ibibili nila para sa donasyong personal protective equipment.
Mula sa halagang 1,200 bawat isa ang jersey at magtatapos ang bidding sa Abril 10 ng alas-12 ng tanghali.
Suportado ng halos 30 ng mga volleyball stars ang ‘aid the cause’ na sinimulan nina Jia Morado, Eya Laure, Imee Hernandez, Mika Reyes, Jema Galanza at Denden Lazaro.