Nitz Miralles / Bida
Kris, kinain pa rin kahit alam na bawal, nagka-allergy, todo-post sa socmed
Inatake ng allergy si Kris Aquino dahil may nakain na bawal na ayaw na lang ipasulat at baka sabihin na naman ng mga bashers ay maarte siya.
Si Kris mismo ang nagkuwento ng kanyang allergy attack habang nasa Puerto Galera pa rin sila nina Josh, Bimby, Alvin Gagui at iba pang kasama.
“I’m 100 % sure my boys & I have been away from home since March 1, we’re entering the 6th week of getting to know many kindhearted people... malalagpasan at babangon tayo sa pagsubok na pinagdaraanan ng buong Pilipinas, tuloy po ang #LABAN.
"Yesterday, I had severe allergic reaction to food (I’m owning it, alam kong bawal but I thought konti lang won’t be bad)-bumagsak to 70/53 ang BP ko & expired na my EpiPen… couldn’t get a diphenhydramine shot because BP was too low… celestamine, a lot of water, and REST was our option.
"I had refrained from posting pics of where we’re staying but the owner & staff have been so KIND-they helped move some of my stuff to the beachfront room because the fresh sea air would help me recover faster. Sweets are supposed to help 'pag may allergens pa sa katawan, so they sent me fresh baked buko pie & Check has been making turong saging w/ langka (na super favorite ko)... Ang ulam siguro, after 3 days na 'pag natanggal na sa katawan ko 'yung food allergens that I consumed.
"Thank you to nurse Mona na nagpuyat para magbantay kagabi (she’s from Mindoro, works in NCR; na-lock in kaya para s'yang guardian angel sa ‘min ni Bimb). Thank you kay Ate Loida & her extended family; Madame Lexie & everyone na stay-in sa resort for the warm hospitality; and most of all, Randy & especially Check, who kept my ate updated & my sons well fed... Bed rest po dahil nanghihina pa.”
Nakakalungkot lang na kahit ilang beses nang nabanggit ni Kris kung bakit wala sila sa bahay nila, may mga netizens na pinuna pa rin siya. Sana raw ay sinunod niya ang ikinakampanya na “Stay at home." Sana raw ay ginamit niya ang power niya to encourage people to stay at home during this pandemic.
Sagot ni Kris: “Had we been given a choice, we would be so happy to be home in the same village as my sisters... This judgment is freaking unfair because you don’t know what I have had to undergo as their sole parental authority... When times are good, I feel so blessed, but when they are tough- I truly FEEL the void in the lives of my sons.
"Kung ginawan namin ng paraan na makauwi kami pero hindi sumunod sa tamang proseso- lahat na ng bashing about power tripping, inabot namin... This post was a reminder that we have a beautiful country with people we can be proud of & I look forward to the day when this nightmare is behind us, and the grief of those who lost loved one has turned into acceptance.
"I have done far more than just 'encourage' people to stay home, no hesitation, nag-abot ako para may mga mapakain, may frontliners na mabilhan ng protective equipment, and may mga naging bahagi ng buhay ko na matulungan ng pinansiyal sa oras ng kagipitan-pasensiya na, hindi ipinost ang receipts & e-bank transfers at dapat itatahimik ko na 'yun-okay na 'yung ibinahagi sa Puerto Galera pero binuwisit mo 'ko sa self-righteous comment mo.”
♥♥♥
Alex, nag-post ng fake news, inireklamo sa NBI, biglang binura at nag-sorry
Dinelete at nag-sorry si Alex Gonzaga sa pagpo-forward ng message na ikinapraning ng mga nakabasa lalo na ‘yung mga nag-grocery.
Nakalagay sa forwarded message na ipinost ni Alex na galing daw sa Philippine General Hospital na trend ng mga infected ng COVID-19 ay sa grocery.
Nakasaad pa sa message na mag-bulk buying kung kaya rin lang ng budget at i-disinfect ang mga binili, pati mga de-lata.
Naglabas ng advisory ang PGH at pinabulaanan ang forwarded message na ipinost ni Alex.
Parte ng advisory ng PGH ay: “The two most important risk factors noted are (1) travel history from areas with known local transmission, and (2) close contact with COVID-19.”
Tinawag ang pansin ni Alex ng isang netizen at pinayuhang i-verify muna ang info at intindihin ang message at kung 'di maintindihan, magtanong.
May nagsabi rin na dalawa ang violations ni Alex (1) Encouraging people to bulk-buy and (2) Spreading FAKE NEWS at itinag ang NBI.
“Hi yes! Sorry I deleted it na! It was forwarded kasi from a friend na may contact sa doctors. Pasensiya na,” sagot ni Alex.
♥♥♥
Show ng GMA-7, nagpapa-audition na kahit may lockdown pa
Babalik ang all-original Filipino singing competition na The Clash ng GMA Network pagkatapos ng two seasons at pagkatapos makapag-produce ng two champions na sina Golden Cañedo at Jeremiah Tiangco.
Sa third season, may chance ang talented and aspiring Filipino singers na ipamalas sa buong mundo ang kanilang husay sa pagkanta sa pagbubukas ng The Clash Season 3 audition.
Dahil nasa ilalim ang bansa ng enhanced community quarantine, i-submit ang audition piece sa website ng GMA Network at pumunta sa page ng The CLASH. Ang mag-o-audition ay kailangang nasa 16-21 ang edad at may lahing Pilipino.
Wala pang advisory kung kailan matatapos ang audition period pero puwede nang mag-submit ang mga sasali simula pa noong Sabado, April 4.