Pagpapaliwanagin din umano ng National Bureau of Investigation (NBI) si Senador Koko Pimentel dahil sa posibleng paglabag nito sa quarantine protocol.
Ayon kay NBI Director Eric Distor, iimbitahan nila ang senador para magpaliwanag.
Kaugnay ito ng isyu ng pagsama ni Pimentel sa kanyang buntis na asawa sa Makati Medical Center kahit pa naka-quarantine ito sa COVID-19.
Ayon kay Justice Secretary Menardo Guevarra, kapag hindi naghain ng reklamo ang Makati Medical Center o sinuman laban kay Pimentel, maglulunsad ng sariling fact-finding ang NBI.