Mahigit P200 bilyon ang inilaan ni P-Digong kontra COVID-19.
Naglalaway ang mga buwitre sa gobyerno!
◘◘◘
NAGBANTA si P-Digong na ikakalaboso ang magnanakaw ng pondo para sa mga naka-quarantine.
Dapat i-shoot-to-kill!
◘◘◘
LIKAS na korup ang burukrasya.
Dapat agad magbantay ang anti-graft and corrupt commission!
◘◘◘
MALABONG mabantayan nang maayos na paggastos ng pondo.
Maraming government official ang biglang yayaman!
◘◘◘
MAS mainam ay ibuhos ang badyet sa pamamakyaw ng testing kits at pagbili ng anti-flu medicine mula sa Japan.
Imbes na ibili ng food baskets, libreng testing kits at libreng gamot ang dapat ipamigay!
◘◘◘
WALANG linaw kung ititigil ang lockdown o palalawigin.
Kakarampot kasi ang testing kits!
◘◘◘
TULIRO ang mga tao sa New York at buong Amerika.
Nagpa-panic din ang buong Europa.
Pero, ang asya ay bumuwelo na sa pagrekober!
◘◘◘
KUNG tutulungan ng China ang Pilipinas ay mabilis din itong makarerekober.
Pero, walang linaw kung paano ito gagawin?
◘◘◘
MALABONG makasaklolo ang US at Europa sa Pilipinas dahil sila ay nasa ilalim ng “pandemonyo.”
Pero, ang numero-unong makatutulong sa Pilipinas ay ang mismong Pinoy—huwag kayong umalis sa inyong bahay.
‘Yan ang numero-unong tulong ninyo kontra virus!