Patay ang apat na taong gulang na lalaki matapos masagasaan ng trak sa kahabaan ng Bgy. San Ignacio, Rosario, Batangas.
Sa imbestigasyon ni PSSg. Samuel Diesta, alas-8:30 ng umaga, humabol umano sa ina ang biktimang si Jacob Gutierrez, nang salubungin ng Isuzu Elf Truck na minamaneho ng suspek na si Nelson Pinza, 49, ng Bgy. Lumbangan.
Pumailalim pa ang biktima sa sasakyan kung saan nagtamo ng matinding pinsala sa ulo at ibang bahagi ng katawan.
Sumuko naman sa pulisya ang suspek na mahaharap sa kaukulang kaso.