Ang pagmamahal ay salitang hindi galing sa bibig kundi sa puso.
Mula sa taong nagmamahal sa iyo nang buo at totoo, kaya naman, laking pasasalamat ko na ika’y nasa akin at asahan mong lubos kitang mamahalin.
Sa una nating pagkikita, hindi ko akalaing ikaw na pala
ang babaeng para saki’y magpapaligaya.
Wala man akong maipapangako, at least, wala akong napapako,
dahil ang tanging nais gawin ay mahalin ka nang taos-puso.
Marami man akong pagkukulang,
darating ang panahon na ito’y mapupunan.
Asahan mong ikaw lang
at hindi na ibabalik kung ano ang nakaraan.
Mula sa pagmulat ng aking mga mata hanggang sa pagpikit nito,
asahan mong ikaw lang ang babaeng iibigin ko.
Kaya, mahal, marami pa tayong pagdaraanan sa buhay,
‘wag kang bibitaw, hawakan mo lang ang aking mga kamay.
Darating ang tamang panahon,
meron nang singsing sa palasingsingan mo.
Ang huling pangalan mo ay magbabago
dahil pareho na tayo ng apelyido.
Siguro naman ay alam mo na ang tinutukoy ko,
ang tanging kailangan ko ay ang pagmamahal, tiwala at pang-unawa mo.
Tandaan mo lamang na mahal kita nang wagas
at hindi na magbabago ‘yun hanggang wakas.
♥♥♥
Happy Valentines Day Rizalyn C. Gorgonia I love You♥♥♥
Magandang araw, mga bes! ‘Wag nang magpahuli sa trend at i-share na ang inyong #Hugot at i-confess mo na, bes ang matagal mo nang gustong aminin sa bagong column ng BULGAR na WHAT’S IN, KA-BULGAR? Ito na ang perfect timing para ma-publish ang laman ng inyong damdamin kaya mag-send na ng personal message sa aming official Facebook page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!