Bulgarific
Hello, Bulgarians! Naglaan na ng Php1.4 bilyon ang Government Service Insurance System (GSIS) sa emergency loan para sa 70,561 active members nito kasama ang mga pensiyunadong naninirahan sa anim na Luzon areas na naapektuhan ng Bagyong Tisoy.
Ang deadline ng pasahan ng aplikasyon para sa emergency loan sa probinsiya ng Occidental Mindoro, Romblon, Sorsogon at San Francisco, Quezon ay sa February 15, 2020; sa Masbate ay sa February 16, 2020 at sa Oriental Mindoro ay sa February 19, 2020.
Ang maximum loan na maaari nilang makuha ay Php20,000. Ang mga aplikante ay kinakailangang nakatira sa calamity-declared areas, may updated premium payment sa loob ng 6 buwan, walang pending administrative case o criminal charge, may minimum net take-home pay na Php5,000 pagkatapos ng deduction ng monthly premium contributions at loan amortizations.
Ang mga active members ay maaaring mag-apply sa GSIS Wireless Automated Processing System (GWAPS) kiosk o sa lahat ng GSIS branch at extension offices, provincial capitol, city hall, selected municipal offices, large government agencies tulad ng Department of Education (DepEd), Robinsons Malls at ilang selected SM City branch tulad sa North EDSA, Manila, Pampanga, Cebu, SM Aura sa Taguig, SM South Mall sa Las Piñas at Mall of Asia sa Pasay City.
Samantala, ang mga active old-ages at disability pensioners naman ay maaaring mag-apply kung ang kanilang net monthly pension matapos ang loan availment ay, at least, 25% ng kanilang basic monthly pension. Kinakailangan ding mag-apply sila over-the-counter.
Ang emergency loan ng GSIS ay payable sa 36 equal monthly installment at may 6% interest rate. Ang makukuhang loan ay direktang papasok sa GSIS electronic card (eCard) o unified multipurpose identification (UMID) card.
Para sa iba pang katanungan, maaaring bumisita sa kanilang website sa www.gsis.gov.ph o sa kanilang Facebook Page, @gsis.ph. Maaari ring mag-email sa siscares@ gsis.gov.ph o tumawag sa kanilang Contact Center sa 8847-4747 sa Metro Manila o 1-800-8-847-4747 (Globe and TM subscribers) o 1-800-10-847-4747 (Smart, Sun at Talk ‘N Text subscribers).
♥♥♥
For event invitations, please, email bulgarific@ gmail.com or PM us on our Facebook page.
Got to go! It’s so Bulgarific!
xoxo