Dear Chief Acosta, Ako ay accredited ng Philippine Sports Commission bilang national athlete. Kamakailan ay nagkasakit ako at medyo may kamahalan ang aking gamot, kaya sa pagbili ng mga ito, ipinakita ko ang aking ID bilang national athlete, pero hindi nila ako binigyan ng 20% discount para rito. Tama ba ito? — Wendy
Dear Wendy, Para sa iyong kaalaman, nakasaad sa Section 4 (a) ng Republic Act (R.A.) No. 10699 o mas kilala bilang “National Athletes and Coaches Benefits and Incentives Act,” na:
“SECTION 4. Benefits and Privileges for National Athletes and Coaches. – Any national athlete and coach, as defined herein and who is currently registered as such, shall be entitled to the following:
a. The grant of twenty percent (20%) discount from all establishments relative to the utilization of transportation services, hotels and other lodging establishments, restaurants and recreation centers and purchase of medicine and sports equipment anywhere in the country for the actual and exclusive use or enjoyment of the national athlete and coach;” (Binigyang-diin)
Ibig sabihin, ikaw ay binibigyan ng nabanggit na batas ng (20%) diskuwento sa pagbili ng gamot na para sa pansarili mong pagkonsumo.
Nawa ay nasagot namin ang inyong mga katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.