top of page
Search
  • Thea Janica Teh

Mga biktima ng lindol, makikinabang sa Philhealth kahit hindi member

Bulgarific

Hello, Bulgarians! Dahil sa matinding pinsala ng tatlong malalakas na lindol sa Mindanao, isa sa mga pangangaila­ngan ng mga kababayan natin doon ang medical care treatment. Kaya naman, siniguro ng Philippine Health Insurance Corporation (PhilHealth) na maibibigay ang lahat ng tulong-pangkalusugan sa mga kababayan nating naninirahan sa Davao del Sur, Sarangani, Kidapawan at Koronadal.

Ang mga miyembro ng PhilHealth ay patuloy na makakukuha ng responsive health care benefit, samantalang, ang mga hindi naman miyembro ay makatatanggap pa rin ng PhilHealth bene­fits.

Ito ay sa ilalim ng PhilHealth Circular 34, s. 2013 na nagsasabing sa ganitong kalamidad, ang mga nasalanta, miyembro man o hindi ay maaaring makakuha ng benepisyo. Maaari rin itong makuha sa mga accredited at non-accredited facilities na may DOH-licensed o DOH-certified, treatment management accredited o non-accredited ng health care professionals na may lisensiya galing sa Professional Regulations Commission (PRC).

Kasama rin dito ang mga medical treatments na nangyari bilang outpatient o inpatient mula sa epekto ng sakuna. Dagdag pa rito, exempted din sila sa 45 days annual benefit limit, Single Period of Confinement (SPC) at less than 24 hour confinement policies; extension ng filing hanggang 120 days, payment ng premium contribution o extension of coverage, reimbursement ng referring at receiving health care institutions; priority sa processing claims, extension ng submission ng health care facility reports at extension ng accreditation providers.

Sa ganitong sakuna, subok na maaasahan ang PhilHealth sa pagbibigay ng sapat na tulong at benepisyo sa mga naaapektuhan, miyembro man o hindi.

♥♥♥

For event invitations, please, email bulgarific@ gmail.com or PM us on our Facebook page.

Got to go! It’s so Bulgarific!

xoxo

0 comments

Recent Posts

See All

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page