Dear Roma,
Ako si Mikee, 24 years old. Naiinis ako sa sarili ko dahil madalas ay hindi ko makontrol ang galit ko. Napakaikli ng pasensiya ko at kahit alam kong kailangan kong maging mapagpasensiya, hindi ko maiwasang mapuno lalo na kung mga below the belt ang mga naririnig o ginagawa sa akin ng iba. Roma, ano ang dapat kong gawin? — Mikee
Mikee,
Sa totoo lang, kahit anong haba ng pasensiya mo, kung mga below the belt na ang sinasabi sa iyo ng ibang tao, hindi mo mapipigilan pa ang sarili mo. Normal lang na magalit o mainis dahil tao tayo na nasasaktan din. Ang hindi normal, eh, ‘yung magpapalamon tayo sa galit natin. ‘Yung tipong galit na lang ang dahilan kaya ka nagpapatuloy ng buhay dahil gusto mong gumanti.
Hindi rin natin dapat sanayin ang ating sarili na magpakontrol sa ating emosyon. Kailangan nating maging mapagpasensiya dahil hindi lahat ng bagay o salitang ginagawa o sinasabi natin ay kayang i-take ng iba.
Makatutulong kung palagi mong isasaisip na maraming tao sa paligid mo na nagpapasensiya din sa mga katangian mo bilang taong hindi perpekto. Sa ganitong paraan, matututunan mong habaan ang pasensiya mo. God bless!