YAMAN NI WILLIE, NASA P5 B NA

ni Erlinda Rapadas @Teka Nga | August 1, 2023

Batay sa huling report tungkol sa Wowowin host na si Willie Revillame, umabot sa P5 billion ang halaga ng mga assets and properties na naipundar niya. At ito’y kinita niya sa kanyang pagiging host sa mga shows niya.

Karamihan sa mga properties niya ay nasa real estate, sa kanyang mansion, vacation house sa Tagaytay at private resort sa Puerto Galera, Mindoro, may mga yate, private planes at choppers din siya.

Meron din siyang collection ng mga luxury cars at mamahaling paintings na milyun-milyong piso ang halaga. Kaya fake news ang balitang nagbebenta na siya ng mga properties dahil naghihirap na.

Wala na raw kasing pumapasok na pera kay Willie dahil nawalan siya ng TV show, pero sabi ng mga malalapit na kaibigan niya, kahit ten years daw itong hindi magtrabaho, mamumuhay pa rin nang maginhawa si Willie.

Secured na rin ang future ng kanyang mga anak. May inilaan na siyang kabuhayan para sa mga ito. Kung sakali man na nagbabawas o nagbebenta na si Willie ng mga properties, ‘yun ay dahil sa hindi na niya natututukan at naaasikaso ang mga ito, tulad ng kanyang hotel sa Tagaytay.