ni Thea Janica Teh | July 27, 2020
Nagpadala ang Philippine National Police ng police band para magbigay-aliw sa mga locally stranded individual (LSI) sa Rizal Memorial Sports Complex.
Lubos na kinakatakot ng mga LSI ang sitwasyon nila sa Rizal Memorial Sports Complex
dahil sa dami ng tao at hindi na naisasagawa ang social distancing. Halos 7,500 LSI ang
naghihintay ng biyahe pauwi sa kanilang probinsiya sa ilalim ng programa ng gobyerno na Hatid Tulong.
Kaya naman bilang tugon sa takot na nararamdaman ng mga LSI ay nagpadala ang PNP ng musician na nakadagdag pa sa dami ng tao sa stadium. Para maiwasan ang pagkalat ng virus, kinakailangan na magsuot ng mask at para mapatugtog ng mga musician ang
kanilang instrument, kinakailangan na tanggalin muna nila ang kanilang mask.
Ayon sa mga nakarinig, kanta ni Mr. Rey Valera ang tinugtog ng banda.
Karamihan ng LSI ay natulog na lamang sa mga street dahil puno na ang stadium.
Sa ngayon, nakapagtala na ng 2,008 kaso ng COVID-19 sa mga kapulisan at nakapagtala rin ng 10 namatay.