ni Mylene Alfonso | July 6, 2020
Dahil sa hindi na matutukan kung sino ang mga bumibili ng alak at sigarilyo, tuluyan nang ipinagbawal ng Department of Finance (DOF) ang bentahan ng alak at sigarilyo online.
Sinabi ni Finance Secretary Sonny Dominguez na kabilang sa babantayan ng ahensiya ang Lazada, Shopee at iba pang sikat na online shopping sites.
Nangangamba umano ang kalihim na posibleng mga bata ang tumatangkilik sa mga naturang produkto kaya ipinatupad ang naturang ban.