ni Ador V. Saluta - @Adore Me! | July 6, 2020
Nagpapasalamat si Sharon Cuneta sa pagbuhos ng suporta ng mga kaibigan at fans na patuloy na dumedepensa sa kanyang pinagdaraanang laban sa social media.
Also, Sharon took the time to address her bashers after getting accused of faking some of her emotional breakdowns on social media.
Nagpasalamat din ang singer-actress sa ilang entertainment columnists na nagtanggol sa kanya (kahit 'di raw sila close) mula sa mga ayaw tumigil sa pamba-bash.
“Hindi ko in-expect ito. Pero you have no idea how much this means to me. I keep telling myself na anuman ang sabihin ng mga mapanirang tao, basta alam ng Diyos at ng mga totoong nakakakilala sa akin ang tunay na hangarin at puso ko, tama na sa akin ‘yun,” sey ng Megastar.
Aniya pa, “Tapos, may magsusulat ng ganitong diretso ang tama sa puso ko kahit hindi ko naman nakakausap o ka-close. You really just have no idea how much this has lifted my spirits tonight.”
At kahit bina-bash, proud si Sharon na may sarili siyang paninindigan sa mga issues.
“At least I know how to make a stand. Otherwise, I’ll fall for anything, right? And my intentions are always sincere. No matter what others may say. God knows that. I never use His name in vain because I fear Him."
Niresbakan din ni Sharon ang mga nagsasabing fake lang ang kanyang pag-iyak sa socmed at paawa epek lang siya.
“Ang isa sa pinagtatawanan ng pamilya ko, mga kaibigan ay ang hindi ko kayang umarte unless may script at movie camera. Hindi ko kayang umakting 'pag pang-IG o YouTube unless teleserye po ito! Trabaho ko na, iuuwi ko pa? Never pang nangyari,” pagtatapos ng one and only Megastar.