Lebanon, nagdeklarang tuloy ang giyera sa Israel

ni Angela Fernando - Trainee @News | November 12, 2023

Nagsalita na ang pinuno ng partido ng Hezbollah sa Lebanon nitong Sabado at idiniing mananatiling aktibo ang kanilang alitan sa Israel.

Kinumpirma nila na sila ay gumamit ng mga bagong armas na tumama sa mga bagong target sa kalabang bansa.

Pahayag ni Sayyed Hassan Nasrallah, nagpakita ang Hezbollah ng mas mahuhusay na bilang ng mga operasyon, sa sukat at bilang ng mga target, pati na rin sa pagsasaayos sa uri ng mga armas.

Pagbabahagi niya, ang kanilang grupo ay unang sumalakay sa bandang hilagang bayan ng Kiryat Shmona bilang ganti sa pag-atakeng ginawa ng Israel na kumitil sa buhay ng tatlong batang babae at sa kanilang lola ngayong buwan.

Aniya, patuloy ang gusot sa pagitan ng dalawang bansa.