Search
  • BULGAR

Dahil sa COVID-19 — DOLE… 4 milyon pa, tambay

ni Madel Moratillo | June 25, 2020




Apat na milyong manggagawa pa ang inaasahang mawawalan ng trabaho sa taong ito dahil sa epekto ng covid-19 pandemic.


Ayon kay Labor Sec. Silvestre Bello III, aabot sa 10 hanggang 15 porsiyento pa ng workforce ng bansa ang inaasahang mawawala.


Aminado ang kalihim na maaaring tumaas pa ang bilang na ito.


Isa naman sa tinitignan ng DOLE na makakabawi ay ang Business Process Outsourcing (BPO) industry.


Sinabi pa ni Bello na makatutulong din para mabawasan ang epekto ng pandemic sa sektor ng paggawa ang full implementation ng Build, Build, Build program ng pamahalaan at pagpapatuloy ng iba pang construction activities sa bansa.


May 2 libong establisimyento aniya ang nag-abiso na sa DOLE na magdedeklara ng permanent closure, redundancy o retrenchment matapos ang ilang buwan ng community quarantine.


Malaki kasi umano ang epekto ng quarantine sa kita ng mga negosyo at kanilang operasyon. Tinitignan naman ng DOLE ang pagkakaroon ng subsidy program para matulungan ang mga kumpanya na mapanatili ang kanilang mga manggagawa. Nitong Abril, lumobo na sa 7.3 milyong Pinoy ang naging jobless.

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2020 bulgaronline

Sison's Publishing House, Inc.