ni Thea Janica Teh | August 14, 2020
Bukod sa karaniwang sintomas ng COVID-19 tulad ng lagnat, pananakit ng lalamunan, kawalan ng panlasa at pang-amoy, sinasabi ng ilang eksperto na makikita rin sa daliri at paa ang sintomas ng COVID-19 infection.
Sa inilabas na article sa New York Times, sa obserbasyon ni San Francsisco dermatologist Dr. Lindy Fox na bago magsimula ang COVID-19 pandemic, nakikita umano nito na 4 sa 5 pasyente nito ang mayroong “chilblains” o painful red inflammation sa daliri at paa.
Ngunit, makalipas ang ilang linggo, halos dosena na ang nakikita nitong may ganitong sakit. Aniya, “I’ve got clinics filled with people coming in with new toe lesions. And it’s not people who had chilblains before — they’ve never had anything like this.”
Bukod pa rito, sinabi rin ni Dr. Esther Freeman, director ng global health dermatology sa Massachusetts General Hospital na sa kanilang telemedicine clinic, mayroon ding nagpapakonsulta ng kanilang mga paa na nagkaroon pa umano ito ng extra clinical session para lamang dito.