Lapeña, nag-ala-Faeldon, no show sa Senate hearing sa shabu smuggling, hmmm...

KA AMBO / BISTADO

NANALASA na ang Super typhoon Rosita.

Killjoy siya sa mga “patay”!

◘◘◘

HINDI dumalo si ex-Customs Chief Lapeña sa Senate hearing.

Siya ay nag-ala-Faeldon!

◘◘◘

BUMAGSAK ang isang commercial airplane sa Indonesia na may sakay na 189.

Humabol sila sa Undas!

◘◘◘

MAY SRP na ang bigas.

Masunod kaya?

◘◘◘

ITATALAGA sa gabinete ang mga malabong manalo sa senatorial elections.

Tsk-tsk-tsk!

◘◘◘

MILITARY takeover na sa Adwana.

Meaning, may Martial Law na sa port area!

◘◘◘

MALINAW na nagwawagi ang drug traffickers sa war on drugs.

Kasi bumabaha na ng shabu sa merkado!

◘◘◘

PINAG-IISIPAN din kaya ang SRP sa shabu?

Lahat ng barangay kasi ay may drug traders.

◘◘◘

TIKLO ang pulis na rapist.

Muntik na siyang “gulpihin” ni NCRPO Chief Gen. Guillermo Eleazar!

◘◘◘

GINAHASA kasi ni PO1 Eduardo Valencia ang anak ng mag-asawang drug suspects bilang kapalit umano ng paglaya.

Nagngingitngit sa galit si Gen. Eleazar!

◘◘◘

AYON kay Gen. Eleazar, isa si Valencia sa mga bulok sa loob ng PNP na dapat mawala at maparusahan.

Idinadamay nito ang matitinong mga parak!

◘◘◘

AGARANG sisibakin ng NCRPO si Valencia upang hindi kopyahin ng iba pang iskalawags.

Motto ni Gen. Eleazar : Punish the bad and reward the good!

◘◘◘

KAMAKAILAN lang, ginawaran ni Gen. Eleazar ng Medal of Achievement ang ilang PO1 at PO2 na mga taga-Manila Police District .

Meaning, hindi lahat ng parak ay tulad ni Valencia!