Hirit ng Palasyo | LAPEÑA, SINIBAK SA CUSTOMS PARA SAFE SA INTRIGA

ISINIWALAT ng Pa­lasyo na matagal nang na­kaplano na ilipat si outgoing BOC Commissioner Isidro La­peña mula sa Customs papunta sa ibang ahensiya.

Ayon kay Presidential Spokesman Salvador Pa­nelo, sa susunod na linggo pa sana ang anunsiyo tungkol sa rigodon pero, napadali dahil sa ilang mga rason.

Layunin din umano na maisalba si Lapeña sa mga ibinabatong intriga sa BOC.

Iginiit ni Panelo na ang paninira kay Lapeña ang da­hilan upang mapagdesis­yunan ng Chief Executive ang agarang paglilipat nito sa TESDA at palitan siya ni ret. Gen. Rey Leonardo Guer­rero na galing naman ng MARINA.

“Now, with respect to Commissioner Lapeña, alam mo matagal nang naka ano iyon… naka-ready i-transfer sa TESDA. Kaya lang nadali kasi — alam mo si presidente, ano siya, he wants to spare him from intrigue dahil sinisiraan nang husto, eh. Kaya na­bigla iyong ano… nadali iyong announcement, nadali iyong promotion niya, ca­binet mem­ber na siya ngayon. Kasi ang BOC is just a bureau under Depart­ment of Finance, eh. Dapat next week pa ang announce­ment,” paliwanag ni Panelo.