P6.8-B shabu nakalusot, lahat ng Customs officials sinibak | LAPEÑA NA-PROMOTE

SA gitna ng panawagan na sibakin, ipinromote pa ni Pangulong Rodrigo Duterte si Bureau of Customs Com­missioner Isidro Lapeña bi­lang cabinet member ma­karaang ilipat sa Techni­cal Education and Skills De­velop­ment Authority (TES­DA).

Ito ang inianunsiyo ni Pangulong Duterte sa ika-117 anibersaryo ng Philip­pine Coast Guard (PCG) sa Port Area, Manila sa harap ng kontrobersiyang kinaha­harap ni Lapeña kaugnay sa pagkakapuslit ng P6.8 bil­yong halaga ng shabu sa pa­mamagitan ng magnetic lifters sa Bureau of Customs (BOC).“Now for the… General Lapeña will move to TES­DA. I will promote you to a cabinet member position,” ani Duterte.

Samantala, ipinag-utos ni Pangulong Rodrigo Duterte ang pagsibak sa lahat ng department at section chiefs sa Bureau of Customs (BOC).

Ani Duterte, ilalagay niya sa ‘floating status’ ang lahat ng mga opisyal sa BoC upang magkaroon ng ‘free-hand’ ang bagong commis­sioner sa pagtatalaga ng mapagkakatiwalaang ta­uhan.

Kasabay nito, inianun­siyo rin ni Pangulong Du­terte ang pagtatalaga kay Maritime Industry Autho­rity Chief Rey Leonardo “Jagger” Guer­rero bilang ka­palit ni Lapeña sa BOC.