2 wanted na rapist, arestado

@Balitang Probinsiya | June 24, 2020

CAGAYAN—Dalawang wanted na rapist ang naaresto ng pulisya kamakalawa sa kanilang hideout sa magkahiwalay na lugar sa lalawigang ito.

Kinilala ng pulisya ang mga suspek na sina Edgar Puringe, nakatira sa Allacapan at Ramil Molina, residente ng Gattaran, kapwa sa naturang lalawgan.

Nabatid na dinakip ng mga awtoridad sina Puringe at Molina sa bisa ng warrant of arrest na inisyu ng korte kaugnay sa kinasasangkutan nilang kasong rape sa nasabing lalawigan.

Ayon sa pulisya, matagal na nilang pinaghahanap sina Puringe at Molina at kamakalawa lang sila nagkaroon ng pagkakataon na dakpin ang mga ito sa kanilang hideout.

Hindi naman nanlaban ang mga suspek nang dakpin sila ng mga awtoridad.