2 NPA, patay sa engkuwentro

@Balitang Probinsiya | September 9, 2020

SULTAN KUDARAT — Dalawang miyembro ng New People’s Army (NPA) ang napatay sa naganap na engkuwentro sa pagitan ng tropa ng pamahalaan at mga lokal na terorista kamakalawa sa Bgy. Datu Ito Andong, Kalamansig.

Ang mga napatay na nagtamo ng mga tama ng bala sa katawan ay kinikilala pa ng mga awtoridad.

Nagpapatrulya umano ang tropa ng pamahalaan nang pagbabarilin sila ng mga terorista at dahil dito ay agad gumanti ng putok ang mga awtoridad kaya napatay ang dalawang NPA.

Nang makitang napatay ang dalawa nilang kasamahang NPA ay mabilis na tumakas ang iba pang terorista.

Sa kasalukuyan ay patuloy pang tinutugis ng tropa ng pamahalaan ang mga tumakas na NPA.