2 notoryus na karnaper, timbog

@Balitang Probinsiya | October 13, 2020

NUEVA ECIJA—Dalawang notoryus na karnaper ang naaresto ng pulisya kamakalawa sa Bgy. Banitan, Quezon.

Nakilala ang mga suspek na sina Adrian Fabro at Rygen Bartolome, kapwa nakatira sa bayan ng Guimba sa nasabing lalawigan.

Ayon sa ulat, tinangay ng dalawang suspek ang motorsiklo ni Noel Bernardo at dahil dito, ini-report ito ng biktima sa pulisya.

Kaagad nagsagawa ng followup operation ang mga awtoridad kaya nadakip ang dalawang suspek at narekober ang motorsiklo.

Nakapiit na ang dalawang suspek na kapwa nahaharap sa kasong carnapping.