2 drug dealers, arestado sa buy-bust

@Balitang Probinsiya | October 16, 2020

TARLAC—Dalawang drug dealers ang nadakip sa isinagawang buy-bust operation kamakalawa sa Bgy. San Roque, Bamban.

Ang mga suspek ay nakilalang sina Asnoden Hasan at Renz Bermudez, kapwa nakatira sa Pasig City.

Ayon sa ulat, nagsagawa ng buy-bust operation sa nasabing barangay at nang pagbentahan sila ng shabu ay agad dinakip ang dalawang suspek.

Napag-alamang nakakumpiska ang mga awtoridad ng ilang gramo ng shabu at markadong pera sa pag-iingat ng mga suspek.

Nakapiit na ang mga suspek na kapwa nahaharap sa kasong paglabag sa Comprehensive Dangerous Drugs Act of 2002.