ni Twincle Esquierdo | August 6, 2020
Dalawang bata ang nasagip mula sa rumaragasang ilog sa Makilala town, Cotabato province nitong huwebes, Agosto 6, ayon sa mga disaster official.
Ayon kay Arnulfo Villaruz, provincial disaster risk reduction and management office, naglalaro ang dalawang batang 3-anyos at 7-anyos malapit sa ilog ng bigla itong tangayin ng rumaragasang tubig.
Nakita umano ng mga bystander kung ano mga nangyari kaya agad silang umaksiyon, nakilala ang dalawang bata na sina Necel at Althea na parehong residente ng Kisante, agad namang silang dinala sa Makilala ospital, parehong dumaranas ng bruises ang mga bata dahil sa nangyari.
Dahil sa walang tigil na pag-ulan at may low pressure area sa lugar ng Mindanao umapaw ang tubig sa ilog sa Cotabato.