2 bagets, tiklo sa pot session

@Balitang Probinsiya | July 9, 2020

NUEVA ECIJA—Dalawang binatilyong drug addict ang dinakip nang mahuli sa akto ng pulisya na nagsasagawa ng pot session sa Bgy. Bantug Hacienda, Talavera.

Dahil kapwa menor-de-edad ay hindi na pinangalanan ng pulisya ang dalawang suspek.

Ayon sa ulat, nakatanggap ng impormasyon ang pulisya na nagsasagawa ng pot session ang mga suspek kaya agad rumespode ang mga awtoridad at inaresto ang dalawang binatilyong drug addict.

Napag-alamang nakakumpiska ang mga awtoridad ng apat na sachets ng shabu, drug paraphernalia at baril sa pag-iingay ng mga suspek.

Nakapiit na ang mga suspek na kapwa nahaharap sa kasong paglabag sa Comprehensive Dangerous Drugs Act of 2002 at illegal possession of firearms and ammunitions.