Search
  • BULGAR

1st Leg Triple Crown sa buwan ng Setyembre

ni Ding Taboy - @Renda at Latigo | June 26, 2020



Pinaplantsa ngayon ng Philippine Racing Commission (PHILRACOM) ang 1St Leg Triple Crown championship na natigil dahil sa pananalasa ng COVID-19.


Ayon sa PHILRACOM, itinutulak sa buwan ng Setyembre ang 1st Leg Triple Crown na natigil makaraang ilagay sa lockdown ang Metro Manila at Region 4A sa pananalasa ng COVID-19 noong Marso 15, 2020.


Ang Triple Crown ay taunang inilulunsad tuwing Mayo,Hunyo hanggang Hulyo nang 3 taong gulang na kabayo na pawang locally born.


Sinabi ng PHILRACOM na wala pang napipisil na kalahok. Kasabay nito magaganap din ang Hopeful Stakes Race para sa 3 year old locally born.


Ang 1st Leg Triple Crown ay may distansiyang 1,600 metro na tatanggap ng unang premyo na P1.8 milyon, P675,000 ang 2nd place, habang mag-uuwi ng P375,000 ang 3rd place at tatanggap ng P150,000 ang 4th place.


May nakalaan naman na P1-milyon ang Hopeful Stakes Race na hahatiin sa apat na makatatawid sa finish line.


Tatanggap ng unang premyo ang tatanghaling kampeon ng halagang P600,000. Ang magka-kampeon sa Hopeful Stakes Race ay may pagkakataon na sumali sa 2nd Leg Triple Crown Stakes Race.


Samantalang tatanggap ng halagang P225,000 ang 2nd place, habang mag-uuwi ng P125,000 ang 3rd place at P50,000 ang 4th placer.

Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
BULGAR LOGO

Bulgar Online.

Call us : (02) 995-3732

© 2020 bulgaronline

Sison's Publishing House, Inc.