ni Ronalyn Seminiano Reonico | October 15, 2020
Idineklara ni Pangulong Rodrigo Duterte sa kanyang public address nitong Miyerkules nang gabi na mayroon nang pera pambili ng COVID-19 vaccines para sa mga Pilipino.
Prayoridad ni P-Duterte na maunang makatanggap ng COVID-19 vaccine ang mahihirap na mamamayan ng bansa.
Aniya, “Nakahanap na ako ng pera. I have the money already for the vaccine, but hahanap pa ako ng maraming pera, because you know there are now 113 million Filipinos.
“And to me, ideally, all should have the vaccine, without exception. Lahat. Para meron kayong lifetime, whatever, para it can provide immunity. Panlaban ho. ‘Yung body, ‘yung armor mo ‘yung sundalo mo sa katawan mo, malabanan siya.”
Saad pa ni P-Duterte, “Again, mauna ang mga mahirap na walang pera, hindi makabayad.”
Samantala, isasabay din aniya ang security force ng bansa sa mga unang makatatanggap ng vaccine.
Aniya, “Para walang taguan, I want my soldiers pati ‘yung security forces ng bayan, mauna rin, kasabay ng first batch kasi kailangan ko ng mga sundalo at pulis na ready, healthy, walang COVID.
“They are really vital for the security of the state. For which reason, they should be the first also.”