100% balik-operasyon ng mga negosyo, isinusulong
ni Ronalyn Seminiano Reonico | October 3, 2020
Isinusulong ng Department of Trade and Industry (DTI) na taasan ang operational capacity ng ilang business establishments na nasa ilalim ng general community quarantine (GCQ) at gawin na itong 100%.
Ayon sa Memorandum Circular No. 20-52, series of 2020 ng DTI, base umano sa isinagawang regular monitoring activities sa tulong ng Fair Trade Enforcement Bureau, sinunod ng ilang business establishment na nasa ilalim ng GCQ ang safety protocols at dahil dito ay papayagan nang mag-operate ang mga naturang establisimyento sa 100% capacity.
Ang mga business establishments na maaari nang magdagdag ng operational capacity na nasa ilalim ng GCQ ay ang mining, financial services, legal and accounting, consultancy, engineering, research and advertising, computer programming, printing, media production, recruitment at car and motorcycle repair.
Samantala, ang mga barbershops at salons naman ay maaari lamang mag-
operate nang 75% capacity. Papayagan na rin ang mga restaurants at food establishments na nasa ilalim ng GCQ na magkaroon ng higit sa 50% operational capacity, ngunit ayon sa memorandum circular: “Provided that physical distancing is strictly observed; provided further that, the increase in operating capacity, menu offering, and maximum servings of alcoholic beverages shall be subject to the corresponding local government guidelines.
“Restaurants and fastfood establishments’ dine-in, take-out, and delivery services shall be allowed to operate up to 24 hours a day, as far as practicable, to augment the additional operational requirements and serve the needs of the public, while enhancing income opportunities for workers.”