May sakit sa puso… HEAVEN, ‘DI MAKAHINGA SA COVID, ISINUGOD SA OSPITAL

ni Vinia Vivar - @Frankly Speaking | April 12, 2021

Isa rin pala sa mga artistang tinamaan ng COVID-19 ang young actress na si Heaven Peralejo. Ini-reveal niya ito sa kanyang Instagram post last Saturday at sa latest vlog niya sa YouTube.

Sa kanyang vlog ay ibinahagi ni Heaven ang naging journey niya sa nasabing killer virus and the good news is COVID survivor na siya ngayon which means magaling na siya.

“One of the toughest challenges I have dealt with during this pandemic is personally getting tested positive for Coronavirus.

“I'd like to share with you all my experience hoping that it will help everyone who is going through the same situation to cope up and recover from this difficulty.

“And to everyone else, this video is to provide awareness that COVID is real and it should be taken seriously.

“I am now a COVID-19 survivor. Sending my love & prayers to everybody going through these difficult times,” pahayag ni Heaven.

Sa bahay lang nag-quarantine si Heaven at makikita sa kanyang vlog na hindi naging madali ang kanyang pinagdaanan dahil humina talaga ang oxygen level niya at dumating sa point na hindi na siya halos makapagsalita at nahihirapan siyang huminga.

Si Heaven na mismo ang nagkabit ng kanyang oxygen support but in the end, talagang kinailangan niyang magpa-confine sa ospital dahil may problema raw siya sa puso.

“So, after consulting with my doctors and talking to my family, we have decided to go to the hospital. Thankfully, we found a hospital and ABS-CBN provided us with an ambulance,” pahayag ni Heaven.

Sa kanyang vlog ay nabanggit din ng young actress na labis siyang naapektuhan ng bashings sa kanya recently.

Isa nga sa mga akusasyon lately sa kanya ay siya raw ang dahilan ng breakup nina Devon Seron at Kiko Estrada.

“To be honest, last night parang nasaan na ‘yung will to live? ‘Coz you know, sa totoo lang, I’ve been through a lot of bashings and I don’t know, may effect pala siya. And ngayon lang siya nagsi-sink-in sa akin lahat since I’m all alone,” sey ni Heaven.

Dagdag pa niya, “I’m just saying na you know, words, even if it’s not true, it still affects, naapektuhan pa rin ako to be honest. And ngayon ko lang io-open up ‘tong issue na ‘to.”

Bagama’t nakikita raw nating parang masaya siya sa social media, deep inside ay nasasaktan daw siya.

Sa sobrang dami raw ng mga nangyayari sa kanya ay parang nawawalan na siya ng ganang mabuhay. Pero pinayuhan daw siya ng kanyang mga friends at binigyan ng encouragement.

“Sa lahat ng nangyari sa akin within these past few weeks and days, issues, problems, and you know, everything, COVID, work, life basically, natutunan ko ru’n is how you rise up, I think that’s one lesson I got from everything that’s happening right now,” she said.

Wa' raw paki sa mga ayaw sa kanya… NADINE, IPINAGMALAKI ANG 4.7 MILYONG FANS NIYA

ni Vinia Vivar - @Frankly Speaking | April 11, 2021

Sumagot si Nadine Lustre sa kanyang mga haters sa social media. Sa kanyang recent tweets, sinabi ng aktres na wala siyang paki sa mga namba-bash sa kanya. Nagpasalamat siya sa kanyang mga fans na walang sawang nagtatanggol sa kanya at sinabihan ang mga ito na huwag na raw siyang ipagtanggol.

“BTW, 4.7M likes. Couldn't care less if it was people shitting on me. It gave good analytics or views. Yall can chill now. no need to make bantay to defend. Grateful for all of you,” tweet ni Nadine.

Dagdag pa niya, “People are always so thirsty to shit on someone.”

Ikinuwento rin niyang sanay na siya sa pambu-bully dahil lagi raw niya itong nararanasan noong bata pa siya.

“I've always been bullied since I was younger, so I'm totally used to it. I've become bullet proof. I'm very much concerned for people who don't have the same mental + emotional load as me.

“But then at the end of the day, pretty sure there are reasons as to why people act a certain way.

“Even the bullies in drag race eventually come clean at the end of the show. So girl, let's talk,” tweet pa ni Nadine.

Patay sa COVID-19, parami nang parami… “BAKIT PARANG PINABAYAAN NA LANG TAYO?" — REGINE

ni Vinia Vivar - @Frankly Speaking | April 10, 2021

Nagpahayag na rin ng pagkaalarma at pagkadismaya ang Asia’s Songbird na si Regine Velasquez sa nangyayari ngayon sa bansa. Hindi naman lingid sa kaalaman ng lahat na mataas pa rin ang bilang ng COVID-19 cases natin at parami nang parami ang mga nasasawi.

“Bakit parang pinabayaan na lang tayo? Kani-kanya, matira matibay, ganu'n na lang ba talaga? People are dying, people we know, relatives, friends! Every single day, may nalalagas sa atin.

“What’s happening?” ang tweet ni Regine kahapon.

As expected, may sagot agad ang mga trolls and bashers sa kanya.

“Hindi tayo pinabayaan, walang gusto sa kung anong nangyayari sa 'tin ngayon... We just need to pray and help each other out! Huwag nating isisi sa gobyerno lahat... We can do things even small things to help others, lalo na kung may kakayanan tayo para tumulong...” sagot ng isang netizen.

Pero marami rin naman ang umayon kay Regine at nakahanda na rin ang mga fans niya na ipagtanggol siya sakaling magkakaroon na naman ng hate campaign ang mga DDS sa Asia’s Songbird.

“Wala siyang minention na pangalan kaya 'wag umeksena ang mga keyboard warrior dito. Love you Mama Reg. PROTECT REGINE VELASQUEZ AT ALL COST!” ang pagtatanggol ng isang fan ni Songbird.