Lindol, ‘di simbolo ng kamatayan, ituring na pulso o pintig ng puso

ni Ka Ambo @Bistado | October 15, 2025

Kapansin-pansin ang halos araw-araw na paglindol sa iba’t ibang bahagi ng archipelago ng Pilipinas.

Opo, isang arkipelago ang Republika ng Pilipinas taliwas sa mga bansa sa America at Europe.

-----$$$--

MAHALAGANG maunawaan kung ano ang archipelago — na maglalarawan kung anong klase ng anyo ng lupa ang nasasakop ng ating bansa.

Ang archipelago ay grupo o kulumpon ng mga isla na napapaligiran ng malawak na tubigan gaya ng dagat, lawa o ilog.

-----$$$--

ANG Pilipinas ay inaakalang binabanggit sa Bibliya nang panahon ni Haring Solomon kung saan inilalarawan itong “kulumpon ng mga isla bago ang malawak na karagatan sa dakong silangan”.

Dito nag-ugat ang paniniwalang nagmula sa arkipelagong ito ang sintigas na bakal na troso na ginamit sa pagtatayo ng mga mga haligi sa Templo sa Jerusalem sa utos ni Haring Solomon.

----$$$--

ANG mga ginto at kamangyan na ginamit din sa pagdekorasyon sa Banal na Templo ay pinaniniwalaang nagmula rin sa Dulong Silangan kung saan naroon ang kulumpon ng mga islang kinaroroonan ng bundok ng mga ginto.

Ang isa sa Haring Mago na dumalaw sa Bethlehem na naghandog ng mamahaling hiyas sa sanggol na Kristo — ay sinasabing nagmula rin sa Dulong Silangan.

-----$$$---

SA huling aklat ng Bibliya — sa Apokalipses, sinasabing matapos mahulog ang mga bituin, dumaluyong ang hindi mabilang na insekto sa kalawakan at magliyab ang mga kabundukan, lilitaw ang anghel bilang isang “Ibong Mandaragit” na magmumula rin sa Dulong Silangan.

Alalahanin nating tanging ang ‘Pinas lamang -- ang Kristiyanong bansa sa kontinente ng Asia.

----$$$---

Ang Pilipinas ay siyang tanging kulumpon ng mga isla bago ang malawak na karagatan — ang Dagat Pasipiko — lumalambong sa higit na kalahati ng ibabaw ng mundo.

Kung matutuyo ang tubig sa paligid ng Pilipinas, susungaw sa bandang kanluran ang isla ng Benham Rise o Philippine Rise at hindi kalayuan ang pinakadambuhalang bunganga ng bulkan — ang Apolaki Caldera.

------$$$--

SA depinisyon, ang archipelago ay nabubuo matapos ang pagsabog ng bulkan.

Sa kaso ng ‘Pinas, ang higit sa 7,000 isla ay posibleng unang nabuo matapos ang pagbuga ng Apolaki Caldera —milyun-milyong taon na ang nakalipas.

----$$$--

INUUGAT ang kasaysayan ng Pilipinas na may pisikal na ebidensya at lohikang testimonya sa higit na 700,000 taong existence ng mga sinaunang tao sa kabundukan ng Kalinga Apayao — ang Homo Luzonensis.

Ang daloy ng sibilisasyon naman ay inuugat sa natuklasang DNA ng mga domestikadong sinaunang manok na nagmula rin sa isla ng Luzon.

-----$$$--

ANG arkipelago ng ‘Pinas ay hindi lang simpleng sentro ng paglalayag sa buong daigdig, bagkus ito ay duyan ng sibilisasyon ng sinaunang nilalang sa ibabaw ng lupa.

Ang lindol ay maituturing na pulso o pintig ng puso na ang sinisimbolo ay banal na buhay ng tao at materyang pisikal.

-----$$$--

Ang lindol ay hindi simbolo ng kamatayan, bagkus tulad ng pintig ng puso — ito ay indikasyon ng isang malusog at sagradong buhay na kaloob ng Maykapal.

Tuwing makikipagniig sina Moses at Abraham kay Bathala — may kidlat, may lindol at may apoy!

Malinaw kung gayon, ang kalamidad -- apoy, hangin, lindol -- ay hindi isang negatibong sitwasyon, bagkus ito ay signos ng pagdalaw ng ating Panginoon!

Hindi na natin dapat antayin — nandito na sa ating archipelago: kasama na natin NGAYON, ang ating PANGINOON!

Siya nawa, AMEN!

---

Kung may reaksyon, sumbong o katanungan, sumulat sa ASINTADO ni Judith Sto. Domingo sa BULGAR Bldg., 538 Quezon Ave., Quezon City o mag-email sa asintado.bulgar@gmail.com.

Batas ukol sa propesyon ng fishery

ni Atty. Persida Rueda-Acosta @Magtanong Kay Attorney | October 15, 2025

Dear Chief Acosta,

Sa dami na rin ng mga propesyon sa ating bansa, maaari bang malaman kung may batas na nagtatakda ng pagkakaroon muna ng sertipiko upang magampanan ang propesyon ng fishery? Salamat sa iyong ibibigay na kasagutan. -- Melcah

---

Dear Melcah,

Matatagpuan ang kasagutan sa iyong katanungan sa Seksyon 33 ng Republic Act (R.A.) No. 11398, o kilala rin sa tawag na “Philippine Fisheries Profession Act,” na nagsaad na:

“Section 33. Prohibition Against the Unauthorized Practice of the Fisheries Profession.— No person shall practice the fisheries profession in the Philippines or offer oneself as fisheries professional, or use the title, word, letter, figure or any sign tending to convey the impression that one is a fisheries professional, or advertise or indicate in any manner whatsoever that one is qualified to practice the profession, unless the person has satisfactorily passed the Board licensure examination for fisheries professionals, or registered as a fisheries professional without examination, except as otherwise provided in this Act, and is a holder of a valid Certificate of Registration and a Professional Identification Card or a valid special temporary permit duly issued by the Board and the Commission.”

Malinaw na nakasaad sa nabanggit na probisyon ng batas na walang sinumang tao ang dapat magsanay ng propesyon sa pangisdaan (fishery) sa bansa o mag-alok ng sarili bilang propesyonal, o gagamit ng pamagat, salita, liham, pigura o anumang palatandaan na may posibilidad na maghatid ng impresyon na ang isang tao ay propesyonal, o mag-advertise o magpahiwatig sa anumang paraan na bilang kuwalipikadong magsanay sa propesyon, maliban kung siya ay nakapasa sa board licensure examination, o nagparehistro bilang isang propesyonal sa pangisdaan nang walang pagsusuri, at may hawak ng isang valid certificate of registration at isang professional identification card o isang valid special temporary permit na ibinibigay ng Professional Regulatory Board of Fisheries at ng Professional Regulation Commission.

Kung kaya, bilang kasagutan sa iyong katanungan, may batas patungkol sa pagsasanay ng mga propesyon ng fishery sa ating bansa. Upang masigurado na kuwalipikadong indibidwal ang kausap, nararapat na hingin at maipakita ang mga dokumento na makapagpapatunay ng mga kredensyal bilang isang propesyonal.

Ang nasabing batas ay base sa polisiya ng gobyerno na magbigay ng prayoridad na atensyon at suporta upang gawing propesyonal ang pagsasagawa ng propesyon ng fishery sa Pilipinas, na magiging kapaki-pakinabang upang mapanatili ang seguridad sa pagkain at pag-unlad ng ekonomiya ng bansa, at upang mapahusay ang mga pamantayan ng edukasyon sa pangisdaan. Ang mga patakarang ito ay itinatadhana sa Republic Act (R.A.) No. 8550, na kilala bilang "Fisheries Code of 1998," at Republic Act No. (R.A.) 8435, na kilala naman bilang "Agriculture and Fisheries Modernization Act of 1997."

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay. 

Maraming salamat sa iyong patuloy na pagtitiwala.

Sen. Imee, ibinulgar na kabilang sa lumagda sa 2025 national budget si Sen. Chiz

ni Pablo Hernandez @Prangkahan | October 15, 2025

TULOY PA RIN ANG LIGAYA NG MGA PORK BARREL POLITICIAN DAHIL 2026 NATIONAL BUDGET MERON PA RING UNPROGRAMMED FUNDS -- Sa P6.793 trillion national budget para sa year 2026 ay 287 kongresista ang pumabor dito o nag-“yes” votes at 12 naman ang nag-“no” votes.

Ang dahilan ng 12 kongresistang no votes ay hindi raw tinanggal sa 2026 national budget ang P243 billion unprogrammed funds na itinuturing nilang pork barrel funds.

At dahil nga pasado na ang P6.793 trillion na may nakapaloob na P243B unprogrammed funds para sa 2026 national budget, ibig sabihin niyan ay tuloy pa rin ang ligaya ng mga pork barrel politician next year, tsk!

XXX

SEN. ESCUDERO, KABILANG SA IBINULGAR NI SEN. IMEE NA LUMAGDA SA 2025 NATIONAL BUDGET -- Itinanggi ni Sen. Imee Marcos na mayroon siyang insertions sa 2025 national budget at ayon sa senadora ay siya raw ang senador na pinakatumutol sa maanomalyang budget kaya hindi raw siya nakiisa na lagdaan noon ang P6.326 trillion.

Sa inis ni Sen. Imee ay ibinulgar niya ang mga senador na lumagda sa P6.326 trillion national budget at kabilang sa pinangalanan niya ay si Sen. Chiz Escudero, na ayon naman sa mga naunang statement nina Senate President Tito Sotto at Sen. Ping Lacson na ang dating Senate president (Sen. Escudero) ay nagsingit ng P142.7 billion sa 2025 national budget, boom!

XXX

BAKA MAGWALA ANG TAUMBAYAN KAPAG GINAWANG STATE WITNESS SI REP. ROMUALDEZ SA FLOOD CONTROL PROJECTS SCAM -- Matapos humarap sa closed-door hearing ng Independent Commission for Infrastructure (ICI) si Leyte Rep. Martin Romualdez kaugnay sa isyu ng flood control projects scam, ay may kumakalat na balita na baka siya ang gawing state witness ng Dept. of Justice (DOJ) laban mga nasasangkot sa pang-i-scam sa kaban ng bayan.

Dapat mag-isip-isip nang mabuti ang DOJ sa isyung iyan dahil ang itinuro ni Sen. Escudero na mastermind daw sa flood control projects scam na si Rep. Romualdez, ang siya pang gagawing state witness. Naku po, eh baka diyan na magwala ang taumbayan, period!

XXX

KUNG OPEN SA PUBLIC ANG IMBESTIGASYON NG ICI KAY ROMUALDEZ, PUWEDE PANG MANIWALA ANG TAUMBAYAN NA ‘DI SIYA SANGKOT SA FLOOD CONTROL PROJECTS SCAM AT MAGING STATE WITNESS -- Kung ginawang open ng ICI sa publiko ang kanilang imbestigasyon kay Rep. Romualdez at nakita, narinig ng mamamayan na mahusay na naipagtanggol nito ang kanyang sarili, na ‘ika nga nakapaglatag ng mga ebidensya na hindi siya sangkot sa katiwalian at saka siya ikonsiderang state witness, tiyak walang angal diyan ang taumbayan.

Pero iyong after ng closed-door hearing kay Rep. Romualdez ay saka siya ikokonsiderang state witness, aba’y nakapagdududa iyan dahil hindi maalis sa isipan ng publiko na kaya itinatag ni Pres. Bongbong Marcos (PBBM) ang ICI, at hinayaang magsagawa ito ng secret investigation ay para ilusot sa kontrobersya ang pinsan niyang si Romualdez, boom!