Alamin: Dahilan kung bakit marami ang may sirang sleeping routine ngayong may pandemic

Sa mahigit dalawang buwang lockdown na ipinatupad sa bansa bilang paraan upang maiwasan at makontrol ang pagkalat ng Coronavirus Disease 2019 (COVID-19), marami sa atin ang aminadong hirap sa pagtulog o nakararanas ng weird sleeping routine.

Subukan man nating makatulog nang sapat o walo hanggang siyam na oras kada araw, hindi natin ito magawa dahil madalas ay kulang o sobra-sobra ang ating naitutulog.

Paliwanag ng mga eksperto, malaki ang epekto ng lockdown na nangyayari ngayon kaya nasisira ang sleeping pattern ng indibidwal.

Narito ang ilan sa mga posibleng dahilan kung bakit karamihan sa atin ay nakararanas ng weird sleeping routine habang may lockdown:

Pagkatakot o nakararanas ng takot. Normal lamang na makaranas ng pangamba sa kasalukuyang sitwasyon natin. Pero ang pagkatakot na ito ay hindi dapat isinasawalang bahala. Imbes na i-deny ang takot na iyong nararanasan, tanungin ang sarili kung ano nga ba ang dahilan nito? Harapin ang

kinatatakutan at unti-unti itong solusyunan.

Sobrang stress. Tulad ng takot, hindi rin maiiwasang makaranas ng stress sa pagkakataong ito.

Maraming aspeto ang nakaaapekto kung bakit nai-stress ang tao. Marahil ay dahil sa trabaho o kawalan ng trabaho, kagustuhang gawin ang mga nakasanayang gawain o makalabas at iba pa. Ang frustrations na ito ay dahilan kaya sobrang nag-iisip at nai-stress ang tao na nagreresulta ng hirap sa pagtulog.

Pakiramdam na nawawalan na ng kontrol. Isa rin ang kawalan ng kontrol sa mga dahilan kaya nagugulo ang ating sleep pattern. Ayon sa eksperto, natural sa tao na masanay na nagagawa ang mga bagay na gusto at kailangan nito sa buhay, pero dahil sa lockdown ay nalimitahan ang mga ito.

Pansamantala ay pahingahin muna ang sarili o subukang baguhin ang mga nakasanayang gawin.

Masyadong nag-iisip ng mga bagay-bagay. Ang masyadong pag-iisip o overthinking ay malaking problema na talaga kaya hindi makatulog ang indibidwal—may lockdown man o wala. ‘Yun nga lang, lalo itong nati-trigger dahil batid natin na wala pang kasiguraduhan ang mga nangyayari sa ngayon. Payo ng eksperto, makabubuti kung maghihinay-hinay sa social media dahil malaki ang epekto nito sa mga naiisip ng tao.

Magkakaiba ang pagtanggap ng bawat isa sa kasalukuyang sitwasyon, pero ‘wag natin pahirapan ang ating sarili. Bagama’t mahirap, tingnan natin palagi ang bright side ng mga nangyayari. ‘Ika nga,

“Relax lang, take it slow”.

Mga dapat gawin para makasundo at makilala ang mga kapitbahay

Inabutan ka man ng lockdown nitong panahon ng krisis sa bahay ng isa mong kaanak o kaibigan o kaya ikaw ang tipong bahay-trabaho lang at hindi gaanong nakakasalamuha ang kapitbahay dahil sa sobra mong busy dati sa iyong career. Pero dahil sa quarantine, nakapirmi ka sa bahay at maaaring dalawa lang kayo o nag-iisa ka. Kampante ka lang lalo na kung tahimik kang tao at mahiyain.

Kung bagong lipat ka naman d’yan sa inyong lugar at unang-una mong gustong gawin ay mapaganda ang samahan sa iyong kapitbahay at magkaroon ng positibong mga gagawin upang mas maging mas mabuting magkaibigan, narito ang mga praktikal at masayang paraan upang mapatatag ang samahan sa mga tao sa paligid mo:

1. NGUMITI AT BUMATI. Hindi naman binubuhat o gawaing bahay ang pagngiti para tamarin kang gawin ito. ‘Yung simpleng ngiti lang ay para madama niyang welcome siya para gumaan agad ang loob niya sa ‘yo. Mahalagang madama ng kapitbahay na palagay ang loob niya sa ‘yo.

2. MAKIPAGKUWENTUHAN. Ngayong uso ang social distancing at layu-layo muna nang konti sa kapwa, hindi hadlang ‘yan na kahit busy ka sa iyong ginagawa ay bigyan kahit 2 minuto lang na chat o kuwento ang kapitbahay. Ngitian siya at kumustahin. Ito ay para maging komportable siya sa ‘yo.

3. LINISING MABUTI ANG IYONG BAKURAN. Nakatataba ng puso kapag mismong ang kapitbahay mo ang pupuri sa malinis at maaliwalas mong bakuran. Mainam ‘yan na paraan upang mas gumanda ang pakikipagkaibigan sa kapitbahay. Ayaw kasi ng kapitbahay sa balahurang tao, kaya ang isang bakuran ay dapat panatilihing malinis at maayos.

4. MAGBIGAY NG ULAM O PAGKAIN. Nasubok sa panahong ito ng quarantine kung paanong ang isang kapitbahay ay magkaroon ng malasakit sa mga kalapit-lugar niya. Masarap sa pakiramdam na ang isang kapitbahay na may mobile palengke na hindi nauubos ang panindang gulay at prutas, pagkauwi niya ay ipinamamahagi niya ito sa kapitbahay. Ang pagdadala ng pagkain sa kapitbahay o mula sa simpleng handaan sa birthday o anumang okasyon ay mainam na paraan upang tumatag ang relasyon bilang magkakaibigan. Makatutulong ito kung bago ka lang sa inyong lugar. Hindi kailangang bongga ang pagkain. Isang simpleng pansit, cake o salad ay isa nang magandang gesture.

5. BUMUO NG GRUPO. Puwedeng pang-zumba group, sama-samang maglalakad o magdya-jogging sa lugar ito ay para mas lumakas pa ang samahan ng magkakapitbahay at maging pamilyar ka sa pagkakakilala sa kanila. R’yan magsisimula ang ligtas na kapaligiran at tahimik na kapitbahayan. Gayundin, mas mabilis na maiispatan ang isang hindi kakilala na papasok sa inyong subdibisyon o lugar at agad silang makatatawag ng pulis sakaling may hindi pamilyar na taong papasok sa isang bahay na walang tao.

Hugot, ka-Bulgar

Porke nasa beach, sirena na? Hindi ba puwedeng nag-practice lang lumangoy para ‘di na malunod sa matatamis mong salita?

Eating siomai is fun not until siomai-ya na siya sa iba.