Pinatatagal ang pagtanda... Gatas na pampahaba ng buhay

Alam nating lahat na ang pag-inom ng gatas ay may magandang epekto sa ating katawan. Bukod sa punumpuno ito ng nutrients, nakatutulong din ito sa ating sleeping routine, gayundin, upang mapalakas ang ating mga buto. Pero mga besh, alam n’yo ba na may specific na uri ng gatas na nakapagpapabagal ng aging process? Hmmm…

Base sa bagong pag-aaral, ang pag-inom ng low-fat milk ay maaaring makapagpabagal ng aging process, gayundin, nakatutulong para humaba ang buhay.

Nai-publish sa journal na Oxidative Medicine and Cellular Longevity ang pag-aaral kung saan sinuri ng researchers ang halos 6,000 US adults. Lumabas sa research na kada 1% ng increase sa milk fat na kinonsumo ay may katumbas na karagdagang apat na taon sa biological aging.

Sinuri ng mga researchers ang haba ng telomeres o ang compound sa chromosomes ng tao na umiiksi habang tumatanda. Gayundin, ang saturated fat sa high-fat milk ay nagbibigay ng stress sa cells at maaaring dumagdag sa death tissues sa katawan. Ayon sa mga eksperto, kapag mas madalas na umiinom ng high-fat milk ang tao, lalong umiiksi ang kanilang telomeres.

Sey ng researchers, halos kalahati ng mga kalahok ang umiinom ng gatas araw-araw habang ang iba naman ay umiinom ng isang beses kada linggo.

Gayunman, 30% ng kalahok ang nagsabing umiinom ng whole milk habang ang isa pang 30% nito ay umiinom ng gatas na may 2% fat.

Samantala, ang 10% ay umiinom ng may 1% milk fat at ang 17% nito ay non-fat ang iniinom habang ang 13% ay hindi umiinom ng cow’s milk.

Gayunman, lumabas sa pag-aaral na ang mga kalahok na hindi umiinom ng gatas ay may mas maiksing telomeres kumpara sa mga umiinom ng low-fat milk. Ibig sabihin, mas mabilis din silang tumatanda kumpara sa mga “skimmed milk drinkers”.

Now we know, mga beshies. Kaya kung mahilig kang uminom ng gatas, pero ayaw mong tumanda nang mabilis, make sure na low-fat milk ang iinumin mo, ha?

Mga sinaunang paraan para maibsan ang lungkot

Naniniwala ba kayo na pinakamasayahin na tao sa buong mundo ay ang mga ninunong Asyano at numero-uno na roon ang mga Pinoy?

Ngayong may pandemya, limitado ang ating galaw, walang gaanong lakwatsa, walang liwaliw sa mga beach resorts, walang mass gatherings na pinahihintulutan para magkasama-sama nang masaya. Kahit sa mga bahay-dalanginan na masayang idinaraos ng mga mananampalataya ang sabay-sabay na pananalangin sa Diyos ay limitado rin.

Balik tayo sa usapin ng lahing pinakamalabong dapuan ng depresyon sa planetang ito. Ano nga ba ang sikreto ng lahing Asyano? “Komo itinuturing na 3rd world country lalo na ang ‘Pinas marami pa ring makalumang ugali ang umiiral,”paliwanag ni Stephan Bodian, isang therapist sa San Francisco psychotherapist at may akda ng Meditation for Dummies. Narito ang tips sa mga dayuhang gustong maging ugaling Pinoy:

1. ANG PAMPAKALMA NG KALOOBAN. Ang klase ng kasiyahan habang may dinner date, panonood ng comedy show at pagbili ng bagong gadgets o sapatos ay parang ganyan din ang nararamdaman, pero sa natural na pamamaraan ng Asyano. Taglay kasi nila ang “inner balance” mula sa mga meditative activity tulad ng pag-akyat sa bundok, paliligo sa ilog o dagat o kaya naman ay pagyo-yoga at tai-chi, ani Hai Gwo, propesor ng psychiatry sa National Taiwan University. Mahalaga sa Asyano ang deep breathing at stretching exercise sa loob ng 15 minuto sa isang araw.

2. TIWALA SA PAGLAKBAY KASAMA NG MGA ESPIRITU NG MAHAL SA BUHAY. Moderno na ang paraan ng pakikipag-ugnayan sa yumaong loved-ones. Nagpapalipad lang ng lobo na may mensahe sa isang mataas na lugar ay sapat na para gumaan ang loob. ‘Yung iba ay gumagamit ng ‘ghost money’, ang red at yellow na pahina ng papel na may nakaukit na espesyal na mensahe para sa yumao. Para madama pa rin ang koneksiyon ng isipan at katawan ng nagkalayong mahal sa buhay, ipe-frame ang lumang larawan sa isang lugar na madaling mapapansin. Lutuin ang pinakamasarap na pamanang recipe ng mama o lola o isusuot ang kuwintas ni Tita Charo, mungkahi ni Hollander.

3. CLOSE-FAMILY TIES ANG NAGPAPATIBAY. Pinapalibutan kasi tayo ng napakaraming miyembro ng ating pamilya at aktibo nang sabay-sabay sa mga gawaing komunidad. Ang dahilan, para mas madama nila ang presensiya ng pagiging kanilang pamilya at “nagbibigay ito ng kahulugan at inspirasyon sa kanilang buhay,” ayon sa pag-aaral. Habang mas maraming kaibigan at pamilya ang Asyano, higit silang nagiging aktibo sa kanilang mga gawain at tiyak na nakakadagdag ito ng kasiyahan.

4. LAGING BUSY IMBES NA NAGMUMUKMOK. Ang Pinoy, kapag biglang nalungkot, hindi basta nagpapaalipin sa damdamin dahil ito ay nalalabanan. Kapag nadarama na nila ‘yan, ito ang senyales nila para kumilos. Kapag nawawalan ng trabaho si mister, ang buong pamilya ay tutulong at gagawa ng paraan para kumita at sabay-sabay silang kikilos. Sa halip na magmukmok sa problema, magtutulungan silang umahon sa kalungkutan.

5. GUMAGAWA HABANG NANGANGARAP. Habang pilit na inaabot ng Asyano ang pangarap, may dahilan ang lahat ng ito at reyalistiko sila na alam nilang ‘di nila kontrolado ang lahat nilang gusto. Habang mahalaga na lumaban at maghangad ng pinakamabuti, isang malaking pagkakamali na parusahan ang sarili kapag nabigo sa pangarap.

Ano nga ba ang nagagawa ng nangangarap sa kanyang pagkatao? Sa halip na pagmuni-munihin ang pagkakaroon ng malaking bahay, mas pinipili nilang maghangad ng bagay na sapat lang sa kanilang pangangailangan.

Bye, mamahaling skincare products na nga ba? PAGKAING PANTANGGAL NG ACNE SCARS

Marami ang namumroblema sa pagkakaroon ng acne scars dahil para sa kanila, hindi ito magandang tingnan at nakakababa ng self-confidence.

Malaking bagay ang magandang kutis para sa marami sa atin kaya importante na palagi itong healthy o maganda. Worry no more dahil ang acne scar ay hindi kailangang maging permanente kaya naman, narito ang ilan sa mga home remedy na maaaring makatulong upang mawala ang mga ito:

1. Kamatis. Malaking tulong ang kamatis upang maremedyuhan ang acne scars. Ang taglay nitong Vitamin A at carotenes ay nagsisilbing antioxidant compounds na maaaring magpagaling ng mga nasirang tissue o balat at nakatutulong na muling maibalik ang mga healthy cell. Maghiwa lamang ng ilang piraso nito saka banayad na ipahid sa mukha at ibabad ng ilang minuto bago banlawan sa maligamgam na tubig.

2. Pipino. Maaari namang gamitin ang cucumber juice bilang alternatibong skin toner. Makatutulong ang cucumber o pipino upang mabawasan ang pamamaga ng balat dulot ng acne. Ang pipino ay water-based kaya bukod sa matutulungan nitong ma-relax ang balat, mabisa rin itong pang-hydrate ng kutis.

3. Egg whites. Ang paggamit ng egg white ang pinakamadali at mabisang paraan upang magamot ang acne scar. Kunin lamang ang puti ng itlog at gamit ang cotton ball o bulak, ipahid ito sa kabuuan ng mukha o tila gawing facial mask at ibabad ito overnight. Ang itlog ay sagana sa protina at ang direktang paglalagay nito sa balat ay mabisang paraan upang maalis ang mga “unwanted scars”.

4. Tubig. Isa sa mga natural na pampaganda ng kutis ay ang pagkonsumo ng tubig. Ang pag-inom ng walo hanggang 12 baso ng tubig araw-araw ay hindi lamang nakakapagpa-hydrate ng balat kundi nakatutulong din upang mabilis na maalis ang toxins sa katawan na dahilan kaya madaling tumatanda at nasisira ang balat ng tao.

5. Rosehip seed oil. Ito ay mabisang pantanggal ng acne scar at pampabawas ng discoloration ng balat. Bukod pa rito, ang rosehip seed oil ay epektib ding anti-aging agent o pantanggal ng mga wrinkles at pampasigla ng balat kaya madalas itong isinasangkap sa cosmetic products. I-massage lamang ito sa balat o saanmang apektadong bahagi nang dalawang beses kada araw upang mas mabilis na makita ang resulta.

6. Yelo. Ang pag-a-apply ng yelo sa mukha ay mabisang paraan upang mabanat o maisara ang pores ng balat. Bukod pa rito, maaari itong gamitin bilang natural astringent na pantanggal o pampaimpis ng acne scars.

Tandaan na ang mga home remedies na ating nabanggit ay inirerekomenda lamang para sa mga mayroong mild acne scars, kaya kung malala na ang kondisyon ating acne scars, makabubuting ipakonsulta na ito sa mga dermatologist dahil ang mga ganitong kondisyon ay mas nangangailangan ng payo at gabay mula sa mga eksperto. Okay?