Michael Cinco, sinisi ni Miss Universe Canada na natalo dahil sa gown, rumesbak

ni Ronalyn Seminiano Reonico | May 23, 2021

Maanghang ang mga salitang binitawan ng Filipino fashion designer na si Michael Cinco laban kay Miss Universe Canada Nova Stevens at sa kanyang team matapos siyang sisihin diumano ng mga ito sa pagkatalo sa naturang beauty pageant.

Sa mahabang Facebook post noong Sabado, tinawag ni Cinco si Stevens at ang kabuuan ng Miss Canada Organization na “ungrateful”, “vile”, at “professional users” kasama ng screenshot ng post ng MGmode Communications na nagsasabing late nang dumating ang mga gowns.

Saad pa ng MGmode na handler ni Stevens, “The gown was sent late by Michael’s team, and when it arrived, none of them fitted!” Anila pa, “Such a terrible mistake should not have happen! We love Michael! But this was inexplicable.”

Ayon kay Cinco, nang makarating sa kanya ang naturang post ng MGmode sa Instagram, pinadalhan niya ng mensahe ang mga ito na burahin ang post “and not to humiliate me in social media.”

Saad pa ni Cinco, “I BEGGED him and almost cried and told him I deserve RESPECT.” Sinabihan din umano niya si Stevens upang depensahan siya at tulungan na linawin ang naturang isyu.

Aniya pa, “She (Stevens) just told me that the guys are upset because they believed me and my team are trying to sabotage her.”

Depensa ni Cinco sa FB post, “The gowns arrived on time. Or how could you have sent me photos and videos of her wearing them, showing how the gowns perfectly fitted her, days before each event. You even posted a video of Nova in her last fitting and she was happy. “You were forcing me to make Nova’s 26” waistline to be inched to 23”, which I obviously didn’t heed even if you said that in pageants, comfort doesn’t matter.” “Absurd” din umano ang pahayag ng team ni Stevens na sinabotahe sila ni Cinco.

Aniya, “The insinuation that my team was trying to sabotage her win, is just absurd.” Patunay daw nito ay nag-hire pa si Cinco ng “world-class photographer and filmmaker to shoot her in my couture gowns at a world-class location in Dubai just to give her extra publicity mileage and create for her a balance of glam and luxury as opposed to her humble homecoming in Africa. And everything was PAID FOR BY ME.”

Ayon din kay Cinco, maging ang ibang Miss Universe candidates at mga beauty queens ay nagsuot din ng kanyang mga gawa na pinasalamatan siya maliban lang kay Stevens at sa Canadian team.

Aniya pa, “But for NOVA and your team, not only have I not got a curt THANK YOU but even seemed so upset with me for being eliminated in the pageant.

“AM I THE JUDGE?” Nanawagan din si Cinco na tigilan ang paninisi sa kanya sa pagkatalo ni Stevens at hindi pagpasok sa Miss Universe Top 21.

Aniya, “STOP blaming me for Nova’s not making it to the Top 21 in Miss UNIVERSE. In fact, she did not wear my gown to the prelims as you were earlier posting that she will wear another gown.

And now YOU’RE TELLING ME that her PRELIMS GOWN KILLED HER to advance to the finals. Am I to be blamed for that? “I dressed up most A-List HOLLYWOOD Celebrities, Royalties and wealthiest clients all over the world and they only have ONE RULE in fashion... IF THE DRESS DON’T FIT, DON’T WEAR IT!!! SIMPLE AS THAT. GET IT??? And mind you all of them know how to say THANK YOU...”

Pambubulgar pa ni Cinco, “YOU and your team have been USING me and taking advantage of my kindness for the past 3 consecutive years to dress up your candidates WITHOUT PAYING ME ANY CENTS!” Simpleng “thank you” lamang daw sana ay sapat na ngunit hindi man lang siya nakatanggap ng pasasalamat sa team ni Stevens.

Saad pa ni Cinco, “YOU ALL ARE UNGRATEFUL, VILE and professional USERS.” Nanawagan din si Cinco sa Canadian team na ‘wag na siyang kukunin o ang iba pang Filipino designers na gumawa ng damit ng mga kandidata nila.

Aniya pa, “STOP taking advantage of my KINDNESS and STOP scamming FILIPINO designers... HOW DARE YOU... SHAME ON YOU and your whole CANADIAN Team…”

Ipinost din ni Cinco ang ilang piktyur ni Stevens habang suot ang gown na mga gawa niya. Caption ni Cinco sa final gown ni Stevens, “NOVA’s final gown. Instead of THANKING me for creating her an exquisite gown, she and her team are complaining it didn’t fit her well as if the fitting will make her win the crown... REALLY gusto mo lagyan ko ng YERO waistline mo para lumiit pa... NAGBAYAD KA BA???”

Sa larawan naman na suot ni Stevens ang gawa ni Cinco na dapat sana’y pang-preliminary gown na hindi ginamit dahil sa umano’y “ill-fitting”, aniya, “The worst comment to say to a designer is for your dress to be called ILL-FITTING. I would definitely admit and accept the bashing if it’s true. But this photo shows that she is LYING.. This photo was sent by NOVA herself.

“Girl, ano’ng gusto mong gawin ko sa katawan mo, ISEMENTO ko ‘yang balakang mo? ...KAPAL mo... “And here she is smiling and happy then all of a sudden you’re spreading rumors that you didn’t wear my gown ‘coz it’s ill-fitting... So what’s the best fitting fitting for you, ‘yung i-GLUE ko ang damit sa katawan mo para magmukha kang REBULTO?”

Andi, inalok na ng kasal ng tatay ng 2 anak na si Philmar

ni Thea Janica Teh | December 20, 2020

Matapos ianunsiyo ang gender ng kanilang second baby noong isang linggo, masaya namang inanunsiyo ngayon ni Andi Eigenmann at ng boyfriend nitong si Philmar Alipayo na engaged na sila.

Sa second part ng kanilang Happy Island Fam Holiday Getaway vlog, makikita ang special moment ng dalawa sa balcony ng isang hotel room sa Batangas.

"This actually happened on our 3rd day, but we want to save the best for last," Andi wrote in the video. "Excuse our footage because it forged up from the rain," kuwento ni Andi. Ayon kay Andi, bigla na lamang nagkuwento si Philmar tungkol sa paglaki ng kanilang pamilya at kung paano nito gustong makasama si Andi habambuhay.

Matapos nito ay tinanong na umano siya ni Philmar at sinabing, “From my whole heart, I am asking you will marry me.” Nagsimula na umano siyang tumawa at maiyak matapos siyang tanungin ni Philmar at ilabas ang engagement ring. Agad umano itong umoo at ipinagpatuloy ang kanilang kuwentuhan.

Inanunsiyo rin ni Andi sa kanyang Instagram account na engaged na sila ni Philmar habang ipinapakita ang engagement ring. Ito ay may caption na “I never thought about how my engagement would go because quite honestly, I didn’t think I’d have one. It would’ve been ok regardless, but it did happen.

And it happened the way I wanted it and so much more. Nothing grand. Unprompted, simple and oh so sincere. That’s us. That’s him. That is how I want the rest of my life to be. I am over the moon, so stoked to be spending it with you my mahal @chepoxz!

Alamin ang iba’t ibang uri ng pagpaparamdam

ni Nympha Miano-Ang - @Life and Style | October 25, 2020

Mahalaga na malaman na hindi lahat ng multo ay pare-pareho. May ilang uri ng hauntings o pagpaparamdam ang nangyayari. Kung iniisip mo man ay isang multo ang sarili o planong mag-imbestiga sa isang uri ng pagpaparamdam, kailangang alamin kung ano ang nararanasan. Ang pangunahing uri ng nagpaparamdam ay kikilalanin ng paranormal investigators at heto ang mga sumusunod.

1. ANG RESIDUAL HAUNTINGS ay tipo ng haunting na pinaniniwalaang pag-ulit ng pangyayari na posibleng naganap nang matagal nang panahon kung saan ang multo o mga multo ay ‘di alam na may tao sa paligid. Ang mga multo na ito ay madalas na nauulit ang mga ginagawa. Bagamat walang pagpapakita sa tao o presensiya ng “anyo.” Marami ang naniniwala na ang pagpaparamdam ay malakas at karaniwang may naiiwang mga bakas sa paligid. Malakas ang damdamin ng pangyayari o traumatikong oras na pinaniniwalaang unang dahilan nitong penomena.

Isang ehemplo ng ganitong multo ay ang mga pagpapahirap ng mga sundalong Kastila sa mga bihag nila sa ilang lugar sa Tondo, Maynila, gayung 100 taon na ang nakalipas na nangyari ito.

2.ANG INTELLIGENT HAUNTING. Ang manipestasyon karaniwan ng pagpapakita ng mga multo ay madalas na kinaklasipika na nakikipag-ugnayan sa tao. Ang mga multong ay pinaniniwalaang espiritu ng namatay na mahal sa buhay at nagpadarama ng kanyang damdamin at kanyang pagkapit sa isang partikular na bagay. Napakarami nang nagsasabi sa kaso ng intelligent hauntings na nagpapakita. Ang boses ng sinasabing intelligent hauntings ay nairekord din sa isang elektronikong voice phenomenon. Ito ay nang ang radio recordings ay ginawa sa isang partikular na lokasyon kung saan ang imbestigador ay tinanong. Ang responde ay tanging naririnig nang ang recording ay muling patutugtugin. Ang mga responde sa tanong at reaksiyon sa presensiya ng tao ay parehong nakatatakot o nakagugulat.

3. DEMONIC INFESTATION. Ang demonic infestations o "inhuman" hauntings ay madalas nang pinagtatalunan na hindi lang isa sa pinakamatandang nai-rekord na uri ng hauntings. Ito ay madalas na may presensiya ng demonyo. Para sa mga hindi relihiyosong tao, ang uri na ito ng pagpaparamdam ay mahirap paniwalaan. Pero tanungin ang isang may personal na karanasan sa isang demonic infestation at sasabihin nila sa iyo na tunay sila. Ang mga uri na ito ay karaniwang kinaklasipikang gawa ng demonyo. Ang kanilang presensiya, ay pinaniniwalaang hindi gawa ng tao. Ang demonic possession, kung saan ang katawan ng tao ang siyang biktima niyang sinasaniban. Sobrang bayolente ang ganitong penomena at puwedeng masaktang pisikal at emosyonal ang sasaniban.

4. POLTERGEIST. Isang translation na ang poltergeist ibig sabihin ay ‘maingay na multo.’ Ito ay dahil kilala sila sa malalakas na pag-iingay, pagbagsak ng mga gamit at pagkilos ng mga bagay na kanilang ginagalaw. Ang poltergeist ay madalas na inuugnay sa isang taong nakatira lamang sa bahay at naiulat nasusundan ang tao sa naturang lugar. Madalas silang nauugnay sa tao na may emotional trauma. Nagpapakita at nawawala nang mabilis, nang hindi maipaliwanag. Ang ilan ay naiuulat na nagtatagal, kahit ilang taon, habang ang iba ay maigsi lang. Ang unang bagay na naghihiwalay sa uri na ito ng pagpapakita ay ang abilidad na magpakilos ng mga bagay. Magpalutang ng mga bagay, naghahagis ng mga bagay etc. Ang ilang tao ay naiulat na nasasaktan ng poltergeist.