Horoscope | Hulyo 31, 2025 (Huwebes)

ni Maestro Honorio Ong @Horoscope | July 31, 2025

Sa may kaarawan ngayong Hulyo 31, 2025 (Huwebes): Malalaking suwerte ang inilaan sa iyo ng kapalaran. Kaya kailangan mong maging matatag ngayon upang ‘di masayang ang mga suwerteng darating sa iyo. 

ARIES (Mar. 21-Apr. 19) - Isang hakbang paatras, at dalawang hakbang pasulong. Sa ganitong paraan, mas mabilis kang uunlad. Kaya dapat kang sumulong nang sumulong upang magtagumpay ka. Masuwerteng kulay-yellow. Tips sa lotto-9-10-23-29-31-44.

TAURUS (Apr. 20-May 20) - Ngayon ang panahon para muli mong sulyapan ang mga naiplano mo. Ang ganitong sistema ay para maitugma mo ang mga bagong kaganapan sa iyong mga hakbang. Masuwerteng kulay-purple. Tips sa lotto-5-18-22-24-33-45.

GEMINI (May 21-June 20) - Magdahan-dahan ka. Hindi ngayon ang tamang oras para sumugod nang sumugod. Kapag nakinig ka ngayon, posible kang makaiwas sa kapahamakan. Masuwerteng kulay-pink. Tips sa lotto-2-16-27-30-34-41.

CANCER (June 21-July 22) - Nagbababala ang mga araw na ito na tatalunin ka ng kalungkutan, dahil na rin sa mali mong pananaw sa buhay. Ang payo ay nagsasabing makipag-ugnayan ka sa mga malalapit sa puso mo. Masuwerteng kulay-beige. Tips sa lotto-3-11-15-26-38-43.

LEO (July 23-Aug. 22) - Umiwas ka sa anumang klase ng debate, dahil posibleng malipat sa mga katunggali mo ang iyong suwerte. Masuwerteng kulay-blue. Tips sa lotto-7-18-20-25-34-44.

VIRGO (Aug. 23-Sept. 22) - Mahirap paniwalaan, pero kailangan mong malaman na kapag nagkaroon ka ng katahimikan, muling papasok sa isip mo ang mga naggagandahang pormula na magpapayaman sa iyo. Masuwerteng kulay-black. Tips sa lotto-6-19-24-27-35-41.

LIBRA (Sept. 23-Oct. 22) - Hindi mo puwedeng ipatupad agad ang mga naiisip mo. Oo nga’t makakaganda ito sa buhay mo, subalit hindi pa ngayon ang tamang panahon. Masuwerteng kulay-violet. Tips sa lotto-1-16-21-30-35-40.

SCORPIO (Oct. 23-Nov. 21) - Ibinabalita ng iyong kapalaran na ang mga bagong naiisip mo ngayon ay puwedeng maging daan upang umunlad ka. Masuwerteng kulay-peach. Tips sa lotto-2-11-14-29-34-43.

SAGITTARIUS (Nov. 22-Dec. 21) - Huwag mo nang pag-ukulan pa ng pansin ang mga bagay at taong wala na. Ito ang tandaan mo. Masuwerteng kulay-red. Tips sa lotto-7-18-28-31-36-42.

CAPRICORN (Dec. 22-Jan. 19) - Ilayo mo ang sarili mo sa sitwasyong alam mong maiipit ka. Masuwerteng kulay-apple green. Tips sa lotto-13-21-24-38-35-43.

AQUARIUS (Jan. 20-Feb. 18) - Kakaibang pormula ng kapalaran ang kailangan mong gawin ngayon. Galitin at asarin mo ang mga malalapit sa iyo para malipat sa iyo ang kanilang suwerte. Masuwerteng kulay-white. Tips sa lotto-4-15-28-37-39-45.

PISCES (Feb. 19-Mar. 20) - Palihim at dahan-dahan kang kumilos para umunlad ang buhay mo. Masuwerteng kulay-lilac. Tips sa lotto-1-11-16-29-34-44.

Horoscope | Hulyo 30, 2025 (Miyerkules)

ni Maestro Honorio Ong @Horoscope | July 30, 2025

Sa may kaarawan ngayong Hulyo 30, 2025 (Miyerkules): Makikitaan ka ngayon ng mataas na personalidad, pero ang totoo, mas angat ka kesa sa mga pangkaraniwan.

ARIES (Mar. 21–Apr. 19) – Huwag kang magpapatalo sa iyong emosyon. Dati ka nang bumigay sa isang taong nagkunwaring nakakaawa, pero hindi ba nasira ang diskarte mo dahil sa kanya? Dahil natuklasan mong hindi pala siya tunay na kaibigan. Masuwerteng kulay-red. Tips sa lotto-9-16-18-20-24-38.

TAURUS (Apr. 20–May 20) – Hindi mo na kailangan ng malakas na boses para pasunurin sila. Ito ang mensahe ng iyong kapalaran. Masuwerteng kulay-blue. Tips sa lotto-3-14-21-26-33-37.

GEMINI (May 21–June 20) – Gagantihan ng kapalaran mo ang mga taong may masamang intensyon sa iyo. Huwag kang mag-alala, dahil nakikita ng langit ang mga nangyayari sa iyo. Masuwerteng kulay-silver. Tips sa lotto-2-25-27-36-39-44.

CANCER (June 21–July 22) – Nakakapawi ng pagod ang magalang sumagot. Hahangaan ka ng mga taong nakatataas sa iyo, dahil sa tuwing makakausap ka nila, agad na napapawi ang kanilang pagod. Masuwerteng kulay-peach. Tips sa lotto-7-11-19-22-31-42.

LEO (July 23–Aug. 22) – Layuan mo ang mga taong hindi marunong magpasalamat. At huwag ka na muling magsayang pa ng oras para sa kanila. Masuwerteng kulay-green. Tips sa lotto-4-16-20-29-34-36.

VIRGO (Aug. 23–Sept. 22) – Kapag maaga kang umalis, maaga ka rin makakarating at makakapagpahinga ka pa. Habang ang mga taong naghahabol ng oras ay pagod ang agad na mararamdaman kahit ‘di pa nagtatrabaho. Dapat doon ka sa nauna. Masuwerteng kulay-gray. Tips sa lotto-5-18-21-26-32-37.

LIBRA (Sept. 23–Oct. 22) – Kapag natandaan nila ang nagawa mong pagkakamali, at nakalimutan ang nagawa mong mga kabutihan, agad mo silang layuan, dahil isa lamang itong indikasyon na ‘di sila tunay na kaibigan. Kaya umiwas ka sa mga ganyang tao. Masuwerteng kulay-burgundy. Tips sa lotto-9-10-13-28-33-42.

SCORPIO (Oct. 23–Nov. 21) – Akala mo’y masungit, ‘yun pala ay mabait. Siya ngayon ang papasok sa kapalaran mo na makakalimutan mo ang mga dati at kasalukuyang nakakasama mo. Masuwerteng kulay-purple. Tips sa lotto-1-12-17-22-35-41.

SAGITTARIUS (Nov. 22–Dec. 21) – May taong ayaw kang makitang masaya, pero baka hindi mo agad ito maramdaman, dahil siya ay mapagkunwari. Masuwerteng kulay-maroon. Tips sa lotto-3-15-20-27-37-45.

CAPRICORN (Dec. 22–Jan. 19) – Nakakatuwa ang relasyon mo ngayon sa iyong partner, dahil kahit sobrang daming epal, hindi pa rin kayo matitinag, at mas lalo pang titibay ang inyong pagmamahalan. Masuwerteng kulay-lilac. Tips sa lotto-4-18-21-26-34-44.

AQUARIUS (Jan. 20–Feb. 18) – Natatangay ang mahina. Pero ‘wag kang mag-alala, dahil hindi ka naman mahina. Masuwerteng kulay-yellow. Tips sa lotto-7-10-16-22-33-40.

PISCES (Feb. 19–Mar. 20) – May dahilan ka para layuan ang isang mahirap kasama, lalo na kung ang mga biro niya ay nakakasakit na ng damdamin. Masuwerteng kulay-lavender. Tips sa lotto-2-14-24-28-34-41.

Horoscope | Hulyo 29, 2025 (Martes)

ni Maestro Honorio Ong @Horoscope | July 29, 2025

Sa may kaarawan ngayong Hulyo 29, 2025 (Martes): Dahil sa kakaibang kabutihang-loob mo, papakitaan ka rin ng langit ng espesyal na pagmamahal. Susuwertehin ka at ilan sa mga kahilingan mo ay magkakatotoo na.

ARIES (Mar. 21-Apr. 19) – Damdamin mo ang susundin mo ngayon, kahit pa mangulit ang isip mo na igiit na mali ka. Ito ang mensahe ng iyong kapalaran. Masuwerteng kulay-black. Tips sa lotto-8-17-20-29-34-44.

TAURUS (Apr. 20-May 20) – Kahit malugi o madehado ka, gumawa ka pa rin ng kabaitan sa kapwa mo. Huwag kang mag-alala, dahil papalitan ito ng langit ng malalaking biyaya. Masuwerteng kulay-violet. Tips sa lotto-9-16-18-26-32-45.

GEMINI (May 21-June 20) – Muli, magdahan-dahan ka. Dahil kapag naging mabilis ka sa pagpapasya at kilos, masasaktan at magsisisi ka lang. Sa pagiging mabagal, ang tao ay nakakapag-isip ng tama at mali. Masuwerteng kulay-peach. Tips sa lotto-2-14-20-27-33-42.

CANCER (June 21-July 22) – Susuwertehin ka ngayon. Ang mga suwerte mo ay magsisilbing binhi na mamumunga ng magagandang kapalaran. Masuwerteng kulay-red. Tips sa lotto-7-11-17-29-39-43.

LEO (July 23-Aug. 22) – Muli ka na namang maaawa sa mga taong hindi naman dapat kaawaan. Pero ang kailangan mong maunawaan ngayon ay ang babala na maaaring mahulog ang loob mo sa iyong kaaawaan. Masuwerteng kulay-orange. Tips sa lotto-1-15-25-28-38-40.

VIRGO (Aug. 23-Sept. 22) – Tatalunin ka ng mga negatibong kaisipan. Ito ay pansamantala lang naman, dahil ang hangarin mong paunlarin ang buhay mo ang mananaig sa dakong huli. Masuwerteng kulay-white.Tips sa lotto-5-9-14-27-30-35.

LIBRA (Sept. 23-Oct. 22) – Kumuha ka ng lakas sa mga karanasan mo. Kaya naman, balewalain mo na ang iyong mga negatibong pananaw. Masuwerteng kulay-green. Tips sa lotto-7-10-16-18-21-27.

SCORPIO (Oct. 23-Nov. 21) – Huwag kang maghintay ng senyales mula sa langit. Ang tunay na palatandaan para sumulong ang iyong buhay ay ang katotohanang nasa harap mo na ang mga oportunidad. Masuwerteng kulay-yellow. Tips sa lotto-8-12-19-31-38-44.

SAGITTARIUS (Nov. 22-Dec. 21) – Huwag kang papayag na talunin ka ng kalungkutan. Tandaan mo, kalungkutan ang nagdadala ng mga hindi magagandang bagay. Ito ang mensahe para sa iyo. Masuwerteng kulay-purple. Tips sa lotto-9-15-20-35-37-45.

CAPRICORN (Dec. 22-Jan. 19) – Ito ang araw na ipagkakaloob na ng langit ang lahat ng mga gusto mong mangyari sa iyong buhay. Kaya wala kang dapat gawin ngayon, kundi ang humiling. Makikita mo, mga ilang araw lang, ang mga kahilingan mo ay agad na matutupad at magkakatotoo. Masuwerteng kulay-pink. Tips sa lotto-4-11-16-27-31-42.

AQUARIUS (Jan. 20-Feb. 18) – Kapag may malakas na unos, ang agila ay lumilipad nang mas mataas. Ito ngayon ang isabuhay mo. Dapat mas angat ka kesa sa iyong mga suliranin at problema. Masuwerteng kulay-beige. Tips sa lotto-1-19-26-33-39-44.

PISCES (Feb. 19-Mar. 20) – Nakakatuwa kung paano ka susuwertehin ngayon. Magkunwari ka lang na walang-wala, at magugulat ka, dahil ang bulsa mo ay aapaw nang todo. Ito ang mensahe ng iyong kapalaran sa mga araw na ito.  Masuwerteng kulay-blue. Tips sa lotto-7-22-28-30-38-45.