Manila Chooks, 8th place sa FIBA 3x3 World Tour

ni Anthony E. Servinio @Sports | September 25, 2023

Ipinasok ni Mark Jayven Tallo ng Manila Chooks ang lima sa 10 bola upang makapasok sa finals ng Two-Point Shootout ng 2023 FIBA3x3 World Tour Cebu Masters Sabado ng hapon sa SM Seaside City. Sinamahan niya ang tatlong iba pang matatalas na shooter sa finals kagabi para sa gantimpalang $500 (P28,076).

Nanguna sa mga finalist si Steve Sir ng Ulaanbaatar MMC Energy na may walong bola. Si Sir ang may hawak ng marka na 17 puntos sa kasaysayan ng patimpalak at bibigyan ng karagdagang $5,000 (P280,760) ang makakahigit dito.

Sumunod sa kanya si Matthias Linorter ng Vienna na may anim na bola. Magkatabla sa lima sina Tallo (26.4), Li Haonan ng Wuxi (26.1”), Dejan Majstorovic ng Ub (28.4”) at Terence Tumalip ng Lubao MCFASolver (29.4”) subalit nanaig sina Tallo at Li sa bisa ng mas mabilis na segundo para maipasok ang huling bola.

Bago ang Shootout, nagtala ng dalawang panalo sina Tumalip at ang Lubao MCFASolver sa Qualifying Round laban sa Taichung Hong Jia ng Chinese-Taipei, 19-10, at Auckland ng New Zealand, 17-11. Napunta sa Lubao ang huling upuan sa Grupo D kasama ang Miami ng Estados Unidos at Ulaanbaatar.

Pagsapit ng aksiyon sa group stage ay naubusan ng lakas sa huli ang Manila Chooks at tumiklop sa Vienna, 20-14. Hindi rin pinalad ang Lubao at natunaw sa Miami, 22-15.

Kailangan magwagi ng Manila at Lubao sa kanilang mga huling laro kontra Futian at Ulaanbaatar upang makasingit sa knockout quarterfinals Maliban sa finals ng Shootout, aabangan din ang Slam Dunk Contest. Ang kampeon ay mag-uuwi ng $4,000 (P224,608).

Tallo, iniangat ang Manila sa Finals ng 2-PT Shootout

ni Anthony E. Servinio @Sports | September 25, 2023

Ipinasok ni Mark Jayven Tallo ng Manila Chooks ang lima sa 10 bola upang makapasok sa finals ng Two-Point Shootout ng 2023 FIBA3x3 World Tour Cebu Masters Sabado ng hapon sa SM Seaside City. Sinamahan niya ang tatlong iba pang matatalas na shooter sa finals kagabi para sa gantimpalang $500 (P28,076).

Nanguna sa mga finalist si Steve Sir ng Ulaanbaatar MMC Energy na may walong bola. Si Sir ang may hawak ng marka na 17 puntos sa kasaysayan ng patimpalak at bibigyan ng karagdagang $5,000 (P280,760) ang makakahigit dito.

Sumunod sa kanya si Matthias Linorter ng Vienna na may anim na bola. Magkatabla sa lima sina Tallo (26.4), Li Haonan ng Wuxi (26.1”), Dejan Majstorovic ng Ub (28.4”) at Terence Tumalip ng Lubao MCFASolver (29.4”) subalit nanaig sina Tallo at Li sa bisa ng mas mabilis na segundo para maipasok ang huling bola.

Bago ang Shootout, nagtala ng dalawang panalo sina Tumalip at ang Lubao MCFASolver sa Qualifying Round laban sa Taichung Hong Jia ng Chinese-Taipei, 19-10, at Auckland ng New Zealand, 17-11. Napunta sa Lubao ang huling upuan sa Grupo D kasama ang Miami ng Estados Unidos at Ulaanbaatar.

Pagsapit ng aksiyon sa group stage ay naubusan ng lakas sa huli ang Manila Chooks at tumiklop sa Vienna, 20-14. Hindi rin pinalad ang Lubao at natunaw sa Miami, 22-15.

Kailangan magwagi ng Manila at Lubao sa kanilang mga huling laro kontra Futian at Ulaanbaatar upang makasingit sa knockout quarterfinals Maliban sa finals ng Shootout, aabangan din ang Slam Dunk Contest. Ang kampeon ay mag-uuwi ng $4,000 (P224,608).

May tatabla o may aangat sa Game 2 ng NBL-Pilipinas?

ni Anthony E. Servinio @Sports | September 24, 2023

Laro ngayong Linggo – Colegio de Sebastian Gym

6:30 p.m. Kapampangan vs. Taguig

Umarangkada agad ang Taguig Generals patungo sa kumbinsidong 92-74 panalo sa bisita KBA Luid Kapampangan sa Game One ng 2023 National Basketball League (NBL-Pilipinas) President’s Cup Finals Biyernes ng gabi sa Duenas Gym sa Signal Village.

Sisikapin ng mga Kapampangan na itabla ang serye sa Game Two ngayong Linggo sa Colegio de Sebastian Gym sa San Fernando City simula 6:30 ng gabi.

Maaga pa lang ay idinikta ng Taguig ang magiging takbo ng laro at nagbagsak ng 10 puntos si Best Player Mike Jefferson Sampurna sa first quarter pa lang. Bumida si Sampurna at gwardiya Harvey Subrabas para sa walong sunod-sunod na puntos upang maagaw ng Generals ang bentahe, 10-4, at hindi na nila binitwan ito.

Tinularan ng kanyang mga kakampi ang mainit na laro ni Sampurna at lalong pinalaki ang agwat sa 49-25 bago pumatak ang halftime. Sinubukan bawasan ng Luid ang agwat sa huling hirit na pinangunahan nina Lhancer Khan at Marc Jhasper Manalang subalit masyadong malalim ang aakyating butas.

Nagtapos si Sampurna na may 23 puntos. Sumuporta sina Jonathan Lontoc na may 15 at Lerry John Mayo na may 13 – may pinagsamang 15 sa fourth quarter ang dalawang forward upang lipulin ang humahabol na Kapampangan.

Matapos ang siyam na puntos lang sa unang tatlong quarter, gumana para sa 15 sa fourth quarter si Khan para sa 24 puntos. Nag-ambag ng 15 si Manalang.

Winalis ng Generals ang palaban na Cam Sur Express sa best-of-three semifinals, 2-0. Kinailangan ng Luid ang tatlong laro bago iligpit ang Tatak GEL Binan sa kabilang serye upang itakda ang best-of-five sa naghihintay na Taguig.