Boxing legend na si Roberto Duran, tagumpay sa laban kontra COVID-19

ni Ronalyn Seminiano Reonico | July 4, 2020

Isa na namang tagumpay ang nakamit ng boxing legend na si Roberto Duran matapos siyang manalo sa laban kontra COVID-19.

Ipinost ni Duran sa kanyang Instagram account ang video kung saan makikitang pinapalakpakan siya ng mga doctor, nurses at atbp. hospital frontliners.

Aniya, “Today, with God's favor, I returned home after battling the COVID-19 virus.

“It was a world title fight I was able to win with the support, love and dedication of a medical team, who not only took care of me but of all the patients, who, like me, fought in the hospital against this virus who does not know of legends, world titles, social status, race, religion, etc…”

Ipinaalala rin ng retired four-division world champion ang kahalagahan ng pananatili sa loob ng bahay ngayong nahaharap ang mundo sa pandemya. Gayundin, pinasalamatan niya ang lahat ng tumulong at sumuporta sa kanya sa laban kontra covid-19.

Aniya, “To all the people who are still in the fight, I send lots of strength and my prayers to your families so that they do not lose hope and that they know that God is always in control.

“To all my fans around the world, I thank you for praying for me and for all your messages of encouragement. I will never tire of thanking all the doctors, nurses, who give their best every day, regardless of the risk they take.

“I love you all. Please stay home, continue with the quarantine, and under no circumstances, allow people to enter your house.”

Embahada ng Pilipinas sa Kuwait, isinara

ni Lolet Abania | July 4, 2020

Suspendido ang serbisyo ng Embahada ng Pilipinas sa Kuwait, matapos na isang empleyado nito ang nagpositibo sa test sa coronavirus o covid-19.

Ito ang naging tugon ng Embahada bilang pagsunod sa protocols ng World Health Organization at sa Kuwaiti Ministry of Health, na kailangang sumailalim sa 14-day quarantine ang mga taong nakasalamuha ng nagpositibo sa covid-19. Isinara ang lahat ng opisina nito epektibo noong Hulyo 2 hanggang Hulyo 16, 2020.

Ang mga on-site operation ng Embahada, Philippine Overseas Labor Office at Overseas Workers Welfare Administration (POLO-OWWA) ay suspendido.

Aabisuhan at tatawagan ang lahat ng nakaiskedyul ng appointment sa naturang mga araw (July 2-July 16) ng Embahada para sa pagbabago ng nakatakdang appointment, gayundin, maaaring magmensahe sa pamamagitan ng WhatsApp ng Embahada.

Magbibigay pa rin ng patuloy na serbisyo ang Embahada mula sa www.facebook.com/PHinKuwait; www.twitter.com/PHinKuwait; Consular (Passport) Section hotlines: 6518-4433; 6990-2188; ATN Unit hotline: 6500-2612; POLO-OWWA hotline: 9403-9063.

Daan-daang elepante namamatay sa Botswana

ni Lolet Abania | July 4, 2020

Nagsasagawa ng imbestigasyon ang mga opisyal ng Botswana tungkol sa misteryosong pagkamatay ng daan-daang elepante sa lugar ng Okavango Delta sa bayan ng southern Africa sa loob ng nakalipas na tatlong buwan.

Ayon sa Ministry of Environment, Natural Resources, Conservation and Tourism, naberipikang 275 carcasses mula sa 356 ang naireport na namatay simula pa noong Mayo.

Ipinadala ang mga samples sa tatlong laboratory sa Zimbabwe, South Africa at Canada para ito ay pag-aralan.

Sa ngayon, patuloy ang pag-iimbestiga ng environment ministry subalit ayon sa kanila “revealed no evidence of poaching.”