Viewer engagement sa pag-alis ng TVJ sa Eat Bulaga, umabot ng milyun-milyon

ni Mylene Alfonso | June 28, 2023

Nagresulta sa ilang milyong viewer engagement sa social media ang pag-alis nina Tito Sotto, Vic Sotto at Joey de Leon (TVJ) sa Eat Bulaga matapos ang mahigit 4 na dekada, ayon sa ginawang in-depth analysis sa viewer engagement ng Capstone Intel, isang

research and intelligence company.

Sa isinagawang analysis ng Capstone-Intel sa viewer engagement sa iba't ibang digital platforms sa pagitan ng May 31, 2023 hanggang June 20, 2023 lumitaw na umabot sa 8,501,457 ang naging reaksyon ng publiko sa kanilang paglisan sa Eat Bulaga sa Channel 7. Para sa keywords TVJ o Dabarkads ay nagkaroon ito ng 3,269 posts at comments na aabot sa 812, 951 comments, ang nag-share ay nasa 297,236 shares at 8,501,457 reactions.

Sa keyword naman na TAPE, Inc ay nasa 1,673 posts, 409,353 comments, 124,837 shares at 3,354,640 reactions.

Pagdating sa reaksyon, marami ang nalungkot sa paglisan ng TVJ sa Eat Bulaga na naging pangunahing sentimyento ng publiko.

Ang statement ng TVJ sa huling araw ng kanilang pag-ere sa Eat Bulaga ay pinagpiyestahan din sa social media at naglikha ng iba't ibang reaksyon kung saan 14.6 % ang nalungkot at 1.2% ang Anger reaction.

Ang Capstone-Intel ay isang high impact research and intelligence company na gumagamit ng innovative research technologies, tools at methods para iconvert ang data at information na makatutulong sa pagresolba sa isang isyu.

Pramis ni P-BBM.. Mga seaman at pamilya, protektado

ni Mylene Alfonso | June 27, 2023

Umapela kahapon si Pangulong Ferdinand Marcos, Jr., sa mga ahensya ng gobyerno at iba pang stakeholder na magtulungan upang palakasin ang industriya ng maritime ng bansa at magpatibay ng mga bagong teknolohiya at makakuha ng mga umuusbong na pagkakataon para sa ating mga marino.

Ginawa ng Pangulo ang panawagan kasabay ng pangakong patuloy na palalakasin ang mga patakarang may kinalaman sa maritime at protektahan ang kapakanan ng mga marino at kanilang pamilya.

Sa kanyang talumpati sa Seafarers Summit sa Pasay City, binigyang-diin ni Marcos ang kahalagahan ng pagkakaisa sa pagitan ng pribadong sektor at ng gobyerno sa pagbabago ng industriya ng transportasyon, kabilang ang pagpapadala, na minarkahan ng pagdating ng mga bago at sustainable fuels, at ang deployment ng digitalization at

automation.

Inulit ng Pangulo ang kanyang direktiba sa Maritime Industry Authority at Commission on Higher Education na makipagtulungan sa industriya ng pagpapadala sa upskilling at reskilling ng mga Filipino seafarers para ihanda sila sa paglilipat ng mga sasakyang pandagat mula sa paggamit ng conventional, pinagmumulan ng gasolina sa berdeng ammonia sa pagitan ng 2030-2040.

Dumalo ang Pangulo sa Seafarers Summit sa Pasay City noong Lunes na may temang

“Shaping the Future of Shipping-Seafarer 2050 Summit”.

Naroon din si Transportation Secretary Jimmy Bautista sa naturang event kasama sina Migrant Workers Secretary Susan Ople, Labor and Employment Secretary Benny Laguesma, iba pang miyembro ng gabinete, Diplomatic Corps at iba pang foreign ministers at policymakers.

Gayundin ang mga opisyal at miyembro ng International Chamber of Shipping sa pangunguna ni Chairman Emanuele Grimaldi kasama ang iba pang pinuno ng civil society at international organizations, at mga opisyal at miyembro ng Filipino Shipowners Association.

Ibinahagi ni Marcos na ipinagmamalaki ng gobyerno at ng mga mamamayang Pilipino ang pamana ng dagat ng Pilipinas at ang titulo ng bansa ay ang "Seafaring Capital of the World" kung saan mahigit kalahating milyong Pilipino ang "nagtatapang sa kalawakan ng karagatan, na binubuo ng isang-kapat ng pandaigdigang maritime workforce".

Taga-isip ng strategy vs. kahirapan.. Gadon, bagong adviser ni P-BBM

ni Mylene Alfonso | June 27, 2023

Itinalaga ni Pangulong Ferdinand Marcos, Jr., si Atty. Larry Gardon bilang Presidential Adviser for Poverty Alleviation.

Ayon sa Presidential Communications Office (PCO), makikipagtulungan si Gadon sa iba't ibang ahensya ng pamahalaan, non-government organizations at sa iba pang stakeholders upang bumalangkas ng mga programa na tutugon sa ugat ng kahirapan sa bansa.

"He will play a pivotal role in advising the President on strategies and policies aimed at combating poverty and improving the lives of the most vulnerable sectors of society," pahayag ng PCO.

Naniniwala ang administrasyong Marcos na ang naging karanasan ni Gadon bilang isang corporate executive at legal counsel sa iba't ibang sektor ay makatutulong sa makabago at pangmatagalang estratehiya upang mabawasan ang kahirapan sa bansa.

Matatandaang naging kontrobersyal si Gadon dahil sa mga naging pahayag laban sa mga mamamahayag kung saan sinuspinde noon ng Korte Suprema bilang abogado dahil dito.

Matatandaang tumakbo si Gadon sa senatorial elections sa ilalim ng UniTeam slate nang noon ay standard bearer na si Marcos at ang kanyang running mate noon na si Sara Duterte.

Si Gadon ang ikalawang senatorial candidate ng UniTeam na itinalaga sa pwesto sa ilalim ng administrasyong Marcos.

Ang unang senatorial bet na pinangalanan sa Marcos Cabinet ay si Gilberto 'Gibo' Teodoro na itinalagang National Defense secretary.