ASIAD gold medalist Ochoa may reward sa SJ, Chan sa POC SecGen

ni MC @Sports | October 22, 2023

Ginawaran ng gantimpalang cash ng San Juan City si Hangzhou 19th Asian Games jiu-jitsu gold medalist Margarita “Meggie” Ochoa at binigyan din ng recognition.

Ipinagkaloob ni Zamora kay Ochoa ang dagdag na P100,000. May kabuuan na siyang incentives ng P3 million – P2 million ang mula sa National Athletes and Coaches Benefits and Incentives Act at ang P1 million ay mula sa Philippine Olympic Committee .

“My journey to the Asian Games wasn’t easy, I fell sick along the way, I got injured, and I wasn’t a hundred percent in the final,” sabi ni Ochoa nang pasalamatan ang pinuno ng kanyang hometown.

Samantala, bagong secretary-general ang iniluklok ng Philippine Olympic Committee (POC) na si Atty. Wharton Chan ng kickboxing.

Si Chan ang pumalit kay Atty. Edwin Gastanes na ang pagbibitiw bilang secretary-general ng Philippine Football Federation (PFF) ang awtomatikong nag-disqualify sa kanya sa posisyon sa POC.

“Atty. Wharton has shown dedication and energy and his familiarity with the operations of the POC in relation to the International Olympic Committee and the National Sports Associations (NSAs) fits him to a ‘T,’” ani POC president Rep. Abraham “Bambol” Tolentino.

Si Chan ay secretary-general ng Samahang Kickboxing ng Pilipinas (SKP) at ang legal head ng POC. Ang appointment ni Chan ay gagawin sa POC General Assembly sa Oktubre 27 sa East Ocean Restaurant sa Parañaque City.

Samantala, kinuwestiyon ng POC ang sabay na pagdaraos ng Philippine Sports Commission (PSC) sa Batang Pinoy (BP) at Philippine National Games (PNG) sa Disyembre 17-23 sa mga venue sa Metro Manila, Tagaytay City at Batangas.

Ayon sa POC, lubhang mahihirapan ang mga NSAs na pamahalaan ang mga events sa ilang age brackets ng PNG at BP.

Kings, hahanap ng kapalit ni Brownlee; 2 teams pa sa PBA

ni Clyde Mariano / MC @Sports | October 18, 2023

Muling babalik sa hardcourt ang PBA players sa 2023-24 Commissioner’s Cup sa Nob. 5 sa Smart Araneta Coliseum.

Maghaharap sa lone game ang Talk ‘N Text at Magnolia ng 7 pm matapos ang 5 pm opening ceremonies na dadaluhan ng mga top honchos sa PBA na sina Chairman Ricky Vargas, Commissioner Willie Marcial at mga Governors ng 12 participating teams.

“The 48th season of PBA is expected to carry the same aura of excitement that characterized the league in the past,” sabi ni Marcial sa press conference sa Diamond Hotel.

Apat ang provincial games na gagawin sa Quezon, Batangas, Iloilo at Cagayan de Oro sa Misamis Oriental. Sisimulan ng defending champion Barangay Ginebra Kings ang title retention campaign sa Nov.17 laban sa Converge.

Muling maghaharap ang bitter rival Kings at TNT sa Dis. 25 Christmas Day sa Big Dome. Pero sa panig ng Kings ay maghahanap muna sila ng kapalit na import ni Justin Brownlee.

"As of now, naghahanap kami ng replacement just in case,” ayon kay Team governor Alfrancis Chua.“Hindi namin alam kung too late na but if we’re just gonna wait and biglang ibagsak sa amin ‘yung bomba, mawawalan naman kami ng import," hinggil sa magiging resulta ng B sample sa Asiad.

Nasa bakasyon si Brownlee sa Atlanta habang si coach Tim Cone sa Oregon. Dalawang koponan din ang idaragdag sa liga bukod sa Ginebra San Miguel, Blackwater, Converge, Magnolia, Meralco, NLEX, Northport, Phoenix Super LPG, Rain or Shine, San Miguel, Terrafirma, at San Miguel.

Ayon naman kay TV5 President Guido Zaballero isasaere ng live ang mga laro sa Zoe TV at ABS-CBN. Tatagal ang elimination round ng tatlong buwan at ang huling laro ay sa Enero 14 sa Philsports Arena tampok ang laro ng Converge at Rain or Shine ng 3 pm. at TNT laban sa Phoenix ng 6:15 pm.

Ang walong koponan na papasok sa quarterfinals at ang top four teams ay may twice-to-beat advantage. Ang semifinals ay best-of-five at ang finals ay

Yulo qualified na sa Olympics, Paalam babanat sa q'finals

ni MC / VA / GA @Sports | October 03, 2023

Matapos ang kanyang nakapanlulumong performance sa vault na naging sanhi ng kabiguan niya sa individual all-around, nakabawi ang Filipino gymnast na si Carlos Edriel Yulo sa kanyang paboritong event na floor exercise at nakamit ang target na 2024 Paris Olympics berth noong Linggo ng gabi (Manila time) sa 2023 Artistic Gymnastics World Championships sa Antwerp, Belgium.

Tumapos si Yulo na highest ranked gymnast sa floor exercise mula sa inabot nitong disaster sa unang araw ng qualifying.

Pumangatlo si Yulo sa men's floor exercise sa naitala nitong 14.600 points kasunod ng mga nangunang sina Artem Dolgopyat ng Israel (15.100) at Frederick Richard ng US (14.600).

Ngunit dahil qualified na sa Paris Games sina Dolgopyat at Richard hindi pa man naidaraos ang World Championships ay umangat si Yulo.

Dahil dito, nakabawi na rin si Yulo sa kanyang 'di malilimutang pagtatapos sa vault na nagresulta ng kanyang pagka-zero sa vault.

Si Yulo ang ikalawang Filipino athlete kasunod ni EJ Obiena na nakasisiguro na ng slot sa Paris Olympics.

Samantala, inspirado ngayon si Carlo Paalam kontra astiging kasagupa na si regining world champion Carlo Khalokov Abdumalik ng Uzbekistan ngayong Martes sa quarterfinal round. Aakyat si Paalam sa ring kontra 23-ayos na Uzbek ng 7:30 p.m. sa Hangzhou gymnasium. Kailangang dispatsahin ng Tokyo silver medal winner si Uulu Munarbek Siitbek ng Kyrgystan sa Round-of-16 sa iskor na 4-1 upang maabot ang q'finals. Si Seiitbek, 27, ay bronze medalist sa nakaraang World C'ship sa Tashkent, Uzbekistan.

Si Paalam ay sasabak na sa gold medalist para makasama si Marcial sa semis. “Halos lahat sila sa division namin magaling,” pag-amin ng 25-anyos na Pinoy hinggil sa stacked roster sa men's 58 kg class na unang beses siyang lalaban.