Horoscope | Nobyembre 2, 2025 (Linggo)

ni Maestro Honorio Ong @Horoscope | November 2, 2025

Sa may kaarawan ngayong Nobyembre 2, 2025 (Linggo): Bukod sa pagiging mabait, malambot din ang puso mo, kaya madali kang naloloko. Gayunman, hanga sa iyo ang langit. Kaya kahit ano’ng mangyari, mapapasaiyo pa rin ang mga biyaya.

ARIES (Mar. 21-Apr. 19) - Pakinggan mo ang iyong damdamin. Hindi maganda kung lagi mong susundin at papakinggan ang iyong isip. Ito ang mensahe ng iyong kapalaran. Masuwerteng kulay-red. Tips sa lotto-3-15-29-34-39-40.

TAURUS (Apr. 20-May 20) - Malakas ngayon ang iyong pandama. Mararamdaman mo agad ang tunay na motibo ng iyong makakaharap, kaya malabong matangay ka sa kasinungalingan at pagkukunwari. Masuwerteng kulay-green. Tips sa lotto-2-18-22-25-33-45.

GEMINI (May 21-June 20) - Kung sino ang may maamong personalidad, siya ang iyong piliin. Masuwerteng kulay-aquamarine. Tips sa lotto-5-17-21-27-37-43.

CANCER (June 21-July 22) - Iyung-iyo ang araw na ito. Magsabi ka lang ng kahilingan mo sa langit, at makakaasa ka na kahit pa may pagkaimposible, gagawa pa rin Siya ng paraan upang matupad iyon. Masuwerteng kulay-yellow. Tips sa lotto-2-10-13-28-30-32.

LEO (July 23-Aug. 22) - Nagkukubli sa masayang kuwento ang hindi magandang plano ng isang tao para sa iyo. Kaya dapat kang mag-ingat ngayon. Masuwerteng kulay-orange. Tips sa lotto-1-9-16-29-39-41.

VIRGO (Aug. 23-Sept. 22) - Nakatutuwa ang kapalaran mo ngayon. Sa katunayan, na sa iyo ang huling halakhak. Masuwerteng kulay-gray. Tips sa lotto-4-18-20-26-35-44.

LIBRA (Sept. 23-Oct. 22) - Dumadapo ang mga suwerte sa mga nagbibihis ng maganda. Mahirap itong paniwalaan, pero kapag nagsuot ka ng damit na lantad ang iyong kagandahan at ilang bahagi ng katawan, tiyak na susuwertehin ka sa lahat ng bagay, lalo na sa pera. Masuwerteng kulay-violet. Tips sa lotto-15-24-29-34-39-42.

SCORPIO (Oct. 23-Nov. 21) - Alam mo ba na may nagsabing kahit sino ka man at kahit ano ka man, ang magagandang kapalaran ay mapapasaiyo pa rin? Hindi na ito mababali pa, dahil mismong langit ang nagpasya nito! Masuwerteng kulay-lilac. Tips sa lotto-1-12-25-30-35-41.

SAGITTARIUS (Nov. 22-Dec. 21) - Tatalunin ka ng iyong damdamin, subalit ang masuwerteng balita ay nagsasabing bubuwenasin ka dahil sa pagpapalit mo ng pasya. Masuwerteng kulay-lavender. Tips sa lotto-6-19-22-38-40-45.

CAPRICORN (Dec. 22-Jan. 19) - Kinagigiliwan ang matigas ang damdamin, pero mas minamahal ang mga taong may malambot na puso’t kalooban. Piliin mo ang huli, dahil ito ang sikreto ng kaligayahan. Masuwerteng kulay-maroon. Tips sa lotto-8-16-23-33-38-44.

AQUARIUS (Jan. 20-Feb. 18) - Saan ba mahahanap ang katiwasayan ng puso’t isipan? Noon pa ito tinatanong ng iyong malalim na kalooban. Saan pa nga ba, kundi sa may matatag at maayos na kinabukasan. Masuwerteng kulay-blue. Tips sa lotto-5-11-20-25-31-43.

PISCES (Feb. 19-Mar. 20) - Ngayon na ang pagkakataon upang alisin ang mga pangit. Huwag mo nang sayangin ang araw na ito, at simulan mo na ang paglilinis at pagbabago. Masuwerteng kulay-burgundy. Tips sa lotto-4-14-19-24-34-40.

Horoscope | Nobyembre 1, 2025 (Sabado)

ni Maestro Honorio Ong @Horoscope | November 1, 2025

Sa may kaarawan ngayong Nobyembre 1, 2025 (Sabado): Saya ang kailangan ng iyong buhay. Kaya maghanap ka ng saya, at kung sumaiyo man ang kalungkutan, takasan mo agad ito, dahil ito ang magpapapangit sa iyong kapalaran.

ARIES (Mar. 21-Apr. 19) - Panghinayangan mo ang maliliit na kita. Ang kayamanan ay naiipon sa maliliit, gayunman meron din namang malalaki, pero kadalasan nauuwi lang din ito sa wala. Masuwerteng kulay-green. Tips sa lotto-9-11-18-25-29-33.

TAURUS (Apr. 20-May 20) - Magbawas ka ng sigasig na nakatuon sa pagsisikap. Sa ganitong paraan, lalong sisigla ang iyong mundo. Masuwerteng kulay-yellow. Tips sa lotto-6-12-16-24-39-42.

GEMINI (May 21-June 20) - Ito ang itinakda ng langit ngayon, kung saan kahit ayaw mo, mapapasakamay mo pa rin ang suwerte. Puwede mo itong ibahagi sa iba. Masuwerteng kulay-violet. Tips sa lotto-1-17-20-28-35-37.

CANCER (June 21-July 22) - Suwerte ka ngayon. Kahit sayangin mo ito, may matitira pa rin sa iyo. Masuwerteng kulay-orange. Tips sa lotto-7-19-27-30-32-43.

LEO (July 23-Aug. 22) - Magplano ka na ngayon, dahil tiyak na matutupad ito ngayon. Masuwerteng kulay-black. Tips sa lotto-4-18-29-33-38-44.

VIRGO (Aug. 23-Sept. 22) - Mag-utos ka at masusunod ka. Ito’y mangyayari ‘pag may kalakip na bagay na magbibigay sa kanya ng sigla. Masuwerteng kulay-lilac. Tips sa lotto-5-16-22-31-39-45.

LIBRA (Sept. 23-Oct. 22) - Hindi mangyayari ang pinakagusto mo, pero ang mangyayari ay sobra pa sa sapat para masabi mong mas maganda pala ang buhay mo. Masuwerteng kulay-purple. Tips sa lotto-7-13-21-28-34-43.

SCORPIO (Oct. 23-Nov. 21) - Makibahagi ka sa usapan at sa mga paraan ng inyong pamilya. Inaasahan nila na marami kang maiaambag na magagandang pananaw, nang sa gayun ay maabot ng lahat ang kaunlaran. Masuwerteng kulay-lavender. Tips sa lotto-2-10-24-39-36-41.

SAGITTARIUS (Nov. 22-Dec. 21) - Napakalakas ng iyong sigla. Kitang-kita rin na tugma sa iyo ang matinding hangarin na mas lalo pang yumaman. Masuwerteng kulay-sky blue. Tips sa lotto-9-18-20-21-27-32.

CAPRICORN (Dec. 22-Jan. 19) - Pigilan mo ang iyong damdamin. Ang sobrang pagmamahal ay kadalasang nagiging sanhi ng pagkaargabiyado ng taong sobrang magmahal. Masuwerteng kulay-black. Tips sa lotto-2-16-28-33-37-40.

AQUARIUS (Jan. 20-Feb. 18) - Kapag maganda na ang takbo ng buhay, hindi na kailangan pa ang mga bagong ideya. Masuwerteng kulay-gray. Tips sa lotto-3-16-22-29-31-43.

PISCES (Feb. 19-Mar. 20) - Nagbababala ang iyong kapalaran na kapag nilunod mo ang iyong sarili sa masasayang kaganapan, baka hindi ka na makaahon at tuluyan nang hindi bumuti ang iyong kinabukasan. Masuwerteng kulay-apple green. Tips sa lotto-8-18-26-28-34-42.

Horoscope | Oktubre 31, 2025 (Biyernes)

ni Maestro Honorio Ong @Horoscope | October 31, 2025

Sa may kaarawan ngayong Oktubre 31, 2025 (Biyernes): Makipaglaban ka sa mga hamon ng iyong kapalaran. May mensahe ang langit, at ito ay nagsasabing, “Mananalo ka, at ito ay tiyak na mangyayari!”

ARIES (Mar. 21-Apr. 19) - Hindi ka dapat huminto sa iyong pangarap dahil lang sa mga pagsubok na iyong kinakaharap. Alalahanin mong malakas ka at hindi ka mahina! Masuwerteng kulay-yellow. Tips sa lotto-5-16-21-24-28-31.

TAURUS (Apr. 20-May 20) - Hindi masama ang umatras. Ang pag-atras ay kailangan upang makapag-isip ng mga bagong diskarte. Masuwerteng kulay-purple. Tips sa lotto-3-11-15-30-35-42.

GEMINI (May 21-June 20) - Habang sinisikap mong matupad ang mga pangarap mo, may mga handang umalalay sa iyo, lalo na sa panahong ngayon na parang hindi madali sa iyo ang lahat. Masuwerteng kulay-pink. Tips sa lotto-9-19-25-34-37-42.

CANCER (June 21-July 22) - Paghiwalayin mo ang iyong emosyon at pangarap, dahil kadalasan ang emosyon ay sagabal sa pag-unlad. Masuwerteng kulay-beige. Tips sa lotto-2-14-22-23-39-41.

LEO (July 23-Aug. 22) - Dapat kalmado ka lang sa harap ng mga kontrabida. Sa huli, makikita mong sa pagiging kalmado, ang mga pangyayari ay maayos na tumatakbo at ang lahat ng pangyayari ay unti-unting papabor uli sa iyo. Masuwerteng kulay-blue. Tips sa lotto-1-7-27-33-35-44.

VIRGO (Aug. 23-Sept. 22) - Nakatutuwa ang buhay sa mundo, lalo na sa larangan ng pagmamahalan. Masuwerteng kulay-black. Tips sa lotto-8-18-19-28-32-45.

LIBRA (Sept. 23-Oct. 22) - Hindi hadlang ang makakapal na ulap para ang mga bituin ay tuluyang mawala. Sa buhay mo ay ganundin, kahit pa maraming problema, tuluy-tuloy pa rin ang dating ng magagandang oportunidad at kakaibang suwerte sa iyo. Masuwerteng kulay-violet. Tips sa lotto-4-12-27-31-38-40.

SCORPIO (Oct. 23-Nov. 21) - Huwag mong pakialaman ang problema ng iba. Mas maganda kung aasikasuhin mo ang pag-unlad ng iyong buhay. Masuwerteng kulay-peach. Tips sa lotto-5-10-22-25-28-35.

SAGITTARIUS (Nov. 22-Dec. 21) - Minsan kusang naaayos ang mga gusot kahit wala kang gawin. Dahil sa totoo lang, wala namang tao ang gusto ng magulong buhay. Masuwerteng kulay-red. Tips sa lotto-3-16-21-24-29-34.

CAPRICORN (Dec. 22-Jan. 19) - Harapin mo nang mukhaan ang iyong mga problema. Ito ang mensahe ng iyong kapalaran ngayon. Masuwerteng kulay-orange. Tips sa lotto-7-17-19-26-31-36.

AQUARIUS (Jan. 20-Feb. 18) - Hindi ka mabibigatan ngayon. Ito ang magandang mensahe ng iyong kapalaran. Masuwerteng kulay-white. Tips sa lotto-1-11-18-20-39-45.

PISCES (Feb. 19-Mar. 20) - Higit kailanman, ngayon mo na kailangan ang maging masinop. Masuwerteng kulay-lilac. Tips sa lotto-9-12-15-27-37-44.