Imbiyerna sa tita na maraming say sa buhay ng iba

Dear Roma Amor - @Life & Style | June 29, 2020

Dear Roma,

Ako si EJ, 28. Naiinis ako sa kamag-anak namin na maraming sinasabi sa bawat kilos ng pamilya namin. Noong nakaraang linggo, nag-celebrate kami ng 60th birthday ng Daddy ko. Sobrang intimate ng celebration namin dahil wala naman kaming bisita, nasa bahay lang kami at anim lang kami sa pamilya. As usual, nag-picture taking kami para may memories at in-upload na rin sa social media. Hindi ko naman inasahan na magko-comment ng nega ang tita ko sa mother’s side. Sabi niya, kesyo may trabaho kaming magkakapatid kahit may pandemic, ang lalakas naming gumastos at nakukuha pa naming mag-post sa FB na parang nang-iinggit pa raw. Hindi ko ma-gets kung bakit niya kailangang mag-comment dahil hindi namin intensiyon na mainggit. Nakaka-disappoint lang dahil kung sino pa ang kadugo namin, sila pa ‘yung nakikialam. – EJ

EJ,

Sa totoo lang, may mga tao na hindi kayang maging masaya para sa atin at ang masaklap, kaanak pa natin sila. ‘Kalokah! Wala namang masama sa ginawa n’yo dahil una, wala naman kayong nilabag na batas at wala siyang “say” kung gusto n’yong gumastos para sa inyong ama at isa pa, pinaghirapan n’yo ang perang ginastos n’yo. Kung wala kang masamang intensiyon sa pagce-celebrate at pagpopost sa socmed, dedmahin mo na lang. ‘Ika nga, ‘di natin kailangan ng nega sa buhay. Okay?

Disappointed sa mga tropa dahil wa’ support sa negosyo

Dear Roma Amor - @Life & Style | June 27, 2020

Dear Roma,

Tawagin mo na lang akong Ali, 30. Natigil ako sa trabaho dahil sa lockdown kaya naman nawalan ako ng income. Para maka-survive, sinubukan kong pumasok sa online selling. Nagsimula ako sa pagre-resell ng mga pastries at meryenda na gawa ng pinsan ko hanggang sa natuto na rin akong mag-bake at nagbenta ng mga sarili kong gawa. Masasabi kong okay naman ang benta dahil sa tulong ng pamilya ko kasi masipag din silang mag-post sa social media groups, pero nalulungkot ako dahil ni-minsan, hindi ko naramdaman na sinuportahan ako ng friends ko. Well, hindi ko naman hinihiling na bumili sila ng mga paninda ko, pero sana, kahit share or repost lang ng mga posts ko para maraming makakita na nagbebenta ako, pero wala talaga. –Ali

Ali,

May mga tao talagang hindi interesado sa ginagawa natin kahit kaibigan pa ang turing natin sa kanila. Gayunman, ‘wag kang malungkot dahil tulad naman ng sinabi mo, okay ang benta mo dahil sa tulong ng iyong pamilya. Ang mahalaga ay kumikita ka at nakaka-survive sa araw-araw. For sure, dadami pa ang kostumer mo kung lalo kayong magiging active sa socmed. Tandaan, oks ding makakuha ng suporta sa mga taong hindi mo kilala. Okay? Good luck!

20 yrs. of friendship, babu dahil sa pagiging toxic ng bff

@Roma | June 24, 2020

Dear Roma,

Ako si Nica, 29-anyos. Noong nakaraang linggo, nag-away kami ng bestfriend ko at nadamay pati ‘yung iba pa naming mga kaibigan. Palagi siyang nakikisuyo sa nanay ko na alagaan ‘yung anak niya dahil ang buong akala namin ay rumaraket siya, pero nakita ko sa FB post niya na nakikipag-inuman o gumagala lang pala siya. Kinompronta ko agad siya, pero siya pa ang nagalit sa akin, tapos naglabas din ng sama ng loob ‘yung iba naming kaibigan tungkol sa kanya. Naglabasan ng mga dating isyu kaya nagkanda-gulu-gulo na, tapos ngayong wala siyang kakampi, naninira siya sa socmed at binalewala niya ang mahigit 20 yrs. naming pagkakaibigan. Ano ang dapat kong gawin? –Nica

Nica,

Alam mo, dumarating talaga sa punto na lumalabas ang toxic na ugali ng bawat tao. Tipong sila na ang mali, sila pa ang may ganang magalit o manira ng kapwa. ‘Wag kang manghinayang sa 20 yrs. n’yong pagkakaibigan kung ang kapalit nito ay pakikipagplastikan.

Tandaan mo, wala sa haba ng panahon ng pagsasama ang katatagan ng pagkakaibigan.

Kung naninira siya, hayaan mo lang siya dahil kung wala kang ginagawang masama, wala kang dapat ikabahala. Okie?